پلوامہ میں ہوئے دہشت گرد حملے میں ہلاک ہوئے منڈیا ضلع کے شہید فوجی کی بیوی صدمہ سے دوچار اب بات کرنا چاہوں تو کس سے کروں: کلاوتی
بنگلورو،16فروری (ایس او نیوز) جمعرات کو پلوامہ میں ہوئے دہشت گرد حملے میں ہلاک ہوئے منڈیا ضلع کے بہادر فوجی جوان ایچ گرو پانچ دن پہلے ہی اپنی چھٹی ختم کرکے کام پر لوٹے تھے ۔ 10مہینے پہلے انہوں نے گڈی گیری کالونی کی کلاوتی سے شادی کی تھی۔ فوجی کی دہشت گرد حملے میں موت کی خبر جیسے ہی ان کے گھرپہنچی ،ان کی بیوی شدید صدمے کا شکار ہوگئی۔ بیوی نے کہا جب انہوں نے فون کیا تومیں ان سے بات نہیں کرسکی ۔ لیکن اب بات کرنا چاہوں تو وہی نہیں ہیں۔مجھے وہ چائے ۔ کلاوتی کی یہ حالت دیکھ کر وہاں موجود لوگوں کے دل غم سے بھر گئے۔ افسوس کی بات یہ ہے کہ گرو نے جمعرات کی صبح کو اپنی بیوی کو فون کیا تھا لیکن گھر کے کاموں میں مصروف پتنی ان سے بات نہیں کرسکی۔بعد میں شام میں جب کلاوتی نے اپنے شوہرکو فون کیا تو اس جانب سے کوئی جواب نہیں آیا۔شام میں خبر ملی کہ پلوامہ میں فوج کی ایک گاڑی پر دہشت گردوں کا حملہ ہوا ہے ۔ شام تک گرو کے شہید ہونے کی خبرملی ۔ گرو کے باپ نے اپنی بہو اور بیٹے کیلئے ایک نیا گھر بنایا تھا ۔ حال میں اس گھر کی ٹھنڈک ہوئی تھی ۔ لیکن نئے گھرمیں زندگی گزارنے کی خواہش پوری نہیں ہوسکی۔ فوجی گرو اپنی چھٹی گزار کر 10فروری کو واپس ہوئے تھے اورجمعرات 15فروری کو ڈیوٹی پر حاضر ہوئے تھے کہ دہشت گردوں کے حملے میں انہیں اپنی زندگی سے ہاتھ دھونا پڑا۔
