پلوامہ تصادم: آخر ایک فوجی نے جنگجوئیت کیوں اختیار کی ؟ ظہور ٹھوکرفوجی کیمپ سے فرار ہو کرجنگجوئیت اختیار کی تھی

Source: S.O. News Service | By Jafar Sadique Nooruddin | Published on 16th December 2018, 1:53 AM | ملکی خبریں |

سرینگر:15/دسمبر (ایس او نیوز/آئی این ایس انڈیا) جنوبی کشمیر کے پلوامہ ضلع میں ہفتہ کو ایک تصادم میں سکیورٹی فورسز نے تین دہشت گردوں کو مار گرایا۔ اس تصادم میں مارے گئے دہشت گردوں میں ظہور احمد ٹھوکر بھی ہے، جو گزشتہ سال جولائی میں فوج کے کیمپ سے فرار ہو کر دہشت گرد تنظیم میں شامل ہو گیا تھا۔بتایا جا رہا ہے کہ مقامی باشندے ٹھوکر کے تصادم میں گھرے ہونے کی اطلاع پر مشتعل ہو گئے اور فوج پرسنگ باری کی تھی۔ اس کے بعد سکیورٹی فورسز کو بھی فائرنگ کرنی پڑی۔ اس دوران سکیورٹی فورسز کی فائرنگ میں سات شہری بھی جاں بحق ہوئے ۔ وہیں فوج کا ایک جوان بھی ہلاک ہو ا۔پولیس حکام نے بتایا کہ یہ واقعہ صبح سرنو گاؤں میں ہو ا۔ حکام کے مطابق سکیورٹی فورسز نے فوج سے فرارظہور احمد ٹھوکر سمیت تین دہشت گردوں کی موجودگی کی خفیہ رپورٹس کی بنیاد پر علاقہ کا محاصرہ کر کے سرچ آپریشن شروع کیا تھا۔ انہوں نے بتایا کہ جیسے ہی ٹھوکر کے تصادم میں پھنسے ہونے کے بارے میں خبرپھیلی، لوگوں نے تصادم کی جگہ پر پہنچنے شروع ہوگئے ۔ ٹھوکر اسی گاؤں کا تھا۔ حکام نے بتایا کہ تین دہشت گردوں کے مارے جانے کے ساتھ ہی تصادم 25 منٹ میں ختم ہو گیا تھا۔ سیکورٹی فورسز تب مشکل میں پڑ گئے جب لوگوں نے فوج کے گاڑیوں پر چڑھنا شروع کر دیا۔ انہوں نے بتایا کہ لوگوں کو انتباہ کے لیے ہوا میں گولیاں بھی چلائی گئیں لیکن اس سے بھی مشتعل ہجوم رکا نہیں جس سکیورٹی کو ان پر گولیاں چلانی پڑی۔ واقعہ میں سات شہریوں کی موت ہو گئی اور کئی دیگر زخمی ہو گئے جن میں ایک نوجوان کی حالت نازک بتائی جا رہی ہے۔ واضح ہوکہ ٹھوکر گزشتہ سال جولائی میں مضافافت کشمیر کے بارہمولہ ضلع کے گنٹ ملا علاقہ میں فوج کی شاخ سے لاپتہ ہو گیا تھا۔ وہ اپنی سروس رائفل اور تین میگزین کے ساتھ فرار ہو گیا تھا۔ اس کے بعد وہ دہشت گرد تنظیم میں شامل ہو گیا تھا۔ سکیورٹی فورسز نے کہا کہ ٹھوکر پلوامہ ضلع میں کئی قتل میں بھی شامل تھا۔ 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...