’’پاکستان دہشت گردی کا مترادف بن چکا ہے‘‘ وزیراعظم نریندرمودی نے عوام سے تحمل رکھنے کی اپیل کی
یوت مال ،16 ؍فروری (ایس او نیوز؍آئی این ایس انڈیا) وزیر اعظم نریندر مودی نے ہفتہ کو پلوامہ حملے کے لیے نشانہ لگایا اور لوگوں سے تحمل رکھنے اور سیکورٹی فورسز پربھروسہ قائم رکھنے کی اپیل کی ہے۔
انہوں نے کہا کہ سیکورٹی فورسز پر حملے کے سازشیوں کو سزا دینے کی مکمل آزادی دے دی گئی ہے۔مہاراشٹر کے یوت مال ضلع میں بہت سے منصوبوں کاافتتاھ کرنے پہنچے وزیر اعظم نے ایک جلسہ عام میں کہا کہ پاکستان دہشت گردی کامترادف ہے۔انہوں نے کہاہے کہ ایک ملک جو تقسیم کے بعد وجود میں آیا اور دہشت گردانہ سرگرمیوں کو فروغ دیتا ہے ، آج دہشت گردی کا مترادف ہوچکاہے۔
وزیر اعظم نے کہاہے کہ پلوامہ کے شہیدوں کی شہادت بیکار نہیں جائے گی۔ہمارے سیکورٹی فورسزپر حملے کے سازشیوں کو سزا دینے کی کھلی چھوٹ دے دی گئی ہے۔انہوں نے کہاہے کہ دہشت گرد تنظیم چھپنے کی کتنی بھی کوشش کر لیں، انہیں تلاش کرکے ان کے جرائم کی سزا دی جائے گی۔جموں وکشمیرکے پلوامہ میں جمعرات کو ہوئے دہشت گردانہ حملے میں سی آر پی ایف کے 40 جوانوں کی موت ہو گئی تھی جبکہ پانچ دیگر زخمی ہیں۔ جیش محمد کے خود کش حملہ آور نے 100 کلو گرام دھماکہ خیز مواد سے بھرے ایک گاڑی سے سی آر پی ایف کی بس کوٹکرمار کر اس حملے کو انجام دیا تھا۔
وزیر اعظم مودی نے کہاہے کہ ہم پلوامہ کے شہیدوں کے خاندانوں کا درد محسوس کر سکتے ہیں، ہم آپ کے غصے کو سمجھتے ہیں۔مودی نے ریلی کے دوران لوگوں سے پوچھا’’ کیا آپ میرے کام اور میری کوششوں سے خوش ہیں؟۔ایک پروگرام کے آغاز میں پلوامہ حملے کے شہیدوں کو دو منٹ کامون رکھ خراج عقیدت پیش کیاگیا۔ اس میں مرکزی وزیر نتن گڈکری اور ہنس راج اہیر،مہاراشٹر کے وزیراعلیٰ دیویندر فڑنویس اور گورنر ودیا راؤ بھی موجودتھے۔ایک اورپروگرام میں وزیر اعظم نے قبائلی طلبا کے لیے اسکول کا افتتاح کیا اور وزیر اعظم کی رہائش منصوبہ کے تحت بنائے گئے گھروں کی چابیاں فائدہ اٹھانے والوں کو سونپیں۔