جموں و کشمیر انتظامیہ نے میر واعظ عمر فاروق سمیت پانچ علیحدگی پسند لیڈروں کی سیکورٹی واپس لی

Source: S.O. News Service | By Shahid Mukhtesar | Published on 17th February 2019, 10:57 PM | ملکی خبریں |

سری نگر17فروری(ایس او نیوز؍آئی این ایس انڈیا)جموں وکشمیرانتظامیہ نے میر واعظ عمر فاروق سمیت پانچ علیحدگی پسند رہنماؤں کی سیکوریٹی واپس لے لی ہے۔

حکام نے بتایاہے کہ میر واعظ کے علاوہ، عبدالغنی بھٹ، بلال لون، ہاشم قریشی اور شبیر شاہ کو دی گئی سیکورٹی واپس لے لی گئی ہے۔ اگرچہ حریت نواز علیحدگی پسند سید علی شاہ گیلانی کا ذکر نہیں ہے۔ساتھ ہی حکام نے بتایا کہ حکم کے مطابق علیحدگی پسندوں کو دی گئی سیکوریٹی اورفراہم کردہ گاڑیاں اتوار کی شام تک واپس لے لی جائیں گی۔کسی بھی بہانے سے انہیں یا کسی بھی علیحدگی پسندلیڈر کو تحفظ یا سیکورٹی نہیں مہیا کرائی جائے گی۔ اگر حکومت نے انہیں کسی طرح کی سہولت دی ہے تو وہ بھی مستقبل میں واپس لے لی جائے گی۔

وزیر داخلہ راج ناتھ سنگھ نے جمعہ کو سری نگر دورے پر کہا تھا کہ پاکستان اور اس کی جاسوسی ایجنسی آئی ایس آئی سے فنڈ حاصل کرنے والے لوگوں کو دی گئی سیکورٹی کا جائزہ لیا جائے گا۔جنوبی کشمیر کے پلوامہ میں ہوئے دہشت گردانہ حملے کے بعد سیکورٹی کے نظام کا جائزہ لیتے ہوئے سنگھ نے کہا تھاکہ جموں وکشمیرمیں کچھ ایسے عناصر ہیں جن کے رابطے آئی ایس آئی اوردہشت گردتنظیموں سے ہیں۔ انہیں دی گئی سیکورٹی کا جائزہ لیا جائے گا۔ جموں وکشمیرانتظامیہ نے یہ قدم پلوامہ دہشت گردانہ حملے کے بعد اٹھایا ہے۔ پلوامہ میں جمعرات کو سی آر پی ایف (CRPF) کے ایک قافلے پر خود کش حملہ ہوا تھا جس میں اس نیم فوجی دستے کے کم از کم 40 جوان شہید ہو گئے تھے اور بہت سے زخمی ہوئے تھے۔اس کے علاوہ حملے کے بعد اب بھارت نے پاکستان کو عالمی سطح پر الگ تھلگ کرنے ک لیے کام شروع کر دیا ہے۔ پلوامہ میں ہوئے دہشت گردانہ حملے کے بعد حکومت ہند نے ہفتہ کو ایک اور سخت قدم اٹھاتے ہوئے پاکستان سے درآمد ہونے والے تمام سامانوں پر کسٹمز فوری اثر سے بڑھا 200 فیصد کر دیاہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...