سدھو کے سہارے پریش راول کا کانگریس پر طنز، سونی ٹی وی سونیا گاندھی سے زیادہ سمجھدار ہے : پریش راول 

Source: S.O. News Service | By Shahid Mukhtesar | Published on 17th February 2019, 11:13 PM | ملکی خبریں |

نئی دہلی17فروری(ایس او نیوز؍آئی این ایس انڈیا) کشمیر کے پلوامہ میں ہوئے دہشت گردانہ حملے کے بعد نوجوت سنگھ سدھو کے بیان کو لے کر شروع ہوئی نام نہاد مخالفت تھمنے کا نام نہیں لے رہا ہے۔ لوگ مسلسل ان کی مخالفت کر رہے ہیں۔ آج فلم اداکار اور بی جے پی کے رہنما پریش راول نے ٹوئٹ کرتے ہوئے لکھا کہ :’سونی ٹی وی میں سونیا گاندھی سے زیادہ سمجھداری ہے‘۔پلوامہ حملے پر نوجوت سدھو کے بیان کے بعد سوشل میڈیا پر ان کے خلاف زبردست احتجاج دیکھنے کو ملا تھا۔ سدھو کی مخالفت کا یہ عالم تھا کہ ٹویٹر پر کل ان کے خلاف ہیش ٹیگ ٹاپ ون پر ٹرینڈ کر رہا تھا۔ لوگ مسلسل مطالبہ کر رہے تھے کہ سدھو کو دی کپل شرما شو سے ہٹا دیا جائے۔ اس کے بعد میڈیا رپورٹیں میں بتایا گیا کہ سونی ٹی وی نے انہیں باہر کا راستہ دکھا دیا ہے۔پنجاب حکومت کے وزیر اور’دی کپل شرما شو‘ کے جج نوجوت سنگھ سدھو نے کہا تھا کہ یہ بزدلانہ حرکت تھی۔ اس کے ساتھ ہی انہوں نے کہا کہ دہشت گردی کا کوئی ملک اور مذہب نہیں ہوتا اور نہ ہی دہشت گردوں کی کوئی ذات ہوتی ہے۔ سدھو کے اس بیان کے بعد ملک بھر سے ان کے خلاف سخت ردعمل آیا تھا۔جمعرات کو جموں و کشمیر کے پلوامہ کے اونتوی پورہ میں سی آر پی ایف کے قافلے پر ہوئے دہشت گردانہ حملے میں 40 سے زائد جوان ہلاک ہوئے تھے ۔ دوپہر 3 بج کر 37 منٹ پر سی آر پی ایف کے قافلے پر فدائین حملہ کیا گیا، اس کی ذمہ داری جیش محمد نے قبول کی ہے ۔ 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...