گلبرگہ میں 2اپریل سے پلس پولیو پروگرام کا آغاز
گلبرگہ29؍مارچ(ایس او نیوز؍آئی این ایس انڈیا) ڈپٹی کمشنر گلبرگہ مسٹرؤ اجول کمار گھوش نے کہا ہے کہ نیشنل پلس پولیو پروگرام 2017کا پہلا مرحلہ ضلع گلبرگہ میں 2اپریل سے شروع ہوگا اور 5اپریل تک جاری رہے گا۔ اس دوران ضلع بھر میں 5سالسے کم عمر 4,09,594 بچوں کوپولیو ڈراپس ڈالے جائیں گے۔ اس مقصد کی تکمیل کے لئے جملہ 1,447بوتھس قاائم کئے جائیں گے ۔ 2اپریل کو ان بوتھس پر بچوں کو پولیو ڈراپس ڈالے جائیں گے جبکہ 3اپریل تا 5اپریل سارے ضلع میں گھر گھر پہنچ کر پولیو ڈراپس ڈالنے کی مہم چلائی جائے گی۔ مختلف سرکاری محکمہ جات سے 316افراد کو اس پولیو مہم کے لئے خدمات انجام دینے مقصد سے بحیثیت سپروائیزر منتخب کیا گیا ہے ۔ ڈپٹی کمشنر نے منگل کے دن دپٹی کمشنر ہال گلبرگہ میں پولیو کی مہم سے متعلق تیاری ااجلاس سے خطاب کرتے ہوئے کہا کہ گھر گھر پہنچ کر پولیو ڈراپس ڈالنے کے لئے ۱،۷۴۴ٹیمس تیار کی گئی ہیں ۔ 134ٹرانسٹ پولیو ڈراپس ایڈمنسٹریشنٹیمس بھی تشکیل دی گئی ہیں ۔انھوں نے اجلاس میں شریک عہدہ داران کو ہدایت دی کہ مہم کے آگاز سے ایک دن قبل مدارس کے طلباء پر مشتمل ایک پولیو بیداری ریالی نکالی جائے ۔ دیہی علاقوں یں بھی اس مہم کو کامیاب بنانے کے لئے عہدہ داران پر زور دیا گیا ۔ محکمہ بہبود خواتین و اطفال، محکمہ تعلیمات۔ پنچایت راج ڈپارٹمینٹ، روٹری و لائینس کلبس، انڈئین میدیکل اسو سی ایشناور دیگر اداروں پرزور دیا گیا ہے کہ وہ پولیو ڈراپ اسکیم کو کامیاب بنانے میں بھر پور تعاون و اشتراک سے کام لیں ۔ورلڈ ہیلتھ آرگنائیزیشن کے عہدہ دار ڈاکٹر انیل کمار تالی کوٹے، ضلعی ہیلتھ اینڈ فیاملی پلاننگ آفیسرڈاکٹر شیو راج سجن شیتی، ڈاکٹر اے ایس ردرا واری، محکمہ صحت کے عہدہ دار ڈاکٹر ناگلیکر اور دیگر عہدہ داران اجلاس میں شریک تھے ۔