تمام درخواست دہندوں کو سائٹوں کی فراہمی ناممکن: نائب وزیراعلیٰ ڈاکٹر جی پرمیشور

Source: S.O. News Service | By Shahid Mukhtesar | Published on 11th July 2018, 11:52 AM | ریاستی خبریں |


بنگلورو،11؍جولائی(ایس او نیوز)نائب وزیراعلیٰ اور وزیر ترقیات بنگلور ڈاکٹر جی پرمیشور نے کہاکہ بنگلور ڈیولپمنٹ اتھارٹی کی طرف سے ترتیب دئے جارہے سر ایم وشویشوریا نگر لے آؤٹ میں رینیو سائٹوں کے لئے مقررہ مدت میں جن لوگوں نے درخواست دی ہے ان تمام کو سائٹوں کی فراہمی ممکن نہیں۔

ایوان بالا کے وقفۂ سوالات میں نائب وزیر اعلیٰ نے کہاکہ وشویشوریا لے آؤٹ میں 202 اور توسیعی لے آؤٹ میں 141 جملہ 343 افراد کو سائٹ رجسٹریشن کارڈ دیا گیا ہے۔ چوڈا ریڈی کے سوال کا جواب دیتے ہوئے انہوں نے کہاکہ ریوینیو سائٹوں کی تقسیم کے متعلق ہائی کورٹ نے جو حکم صادر کیا ہے اس کی تعمیل کرتے ہوئے 90 دنوں کے اندر سائٹ رجسٹریشن کے ساتھ مہیا کرانے کی ہدایت دی گئی ، لیکن بعد میں بی ڈی اے کی طرف سے ایک اور معاملہ عدالت سے رجوع کیا گیا جس کے سبب سائٹوں کی فراہمی کے وقفے کو بڑھادیا گیاہے۔

اس وقفے کی تکمیل کے بعد جو درخواستیں موصول ہوئی ہیں ان میں سے کسی کو سائٹ رجسٹریشن کارڈ نہیں دیاگیا البتہ لے آؤٹ کے اگلے مراحل میں انہیں سائٹ مہیا کرانے پر غور کیاجاسکتاہے۔ انہوں نے کہاکہ سائٹ فراہم کرنے کے لئے 4100 درخواستیں موصول ہوئی ہیں۔ ان میں سے اب تک صرف 20 لوگوں کو متبادل سائٹس مہیا کرائے جاسکے۔

ایک نظر اس پر بھی

22نومبر کووزیر اعظم نریندرمودی کے ہاتھوں رکھا جائے گا ’سٹی گیس ‘ کا سنگ بنیاد۔ منصوبے میں منگلورو شہر بھی شامل

مرکزی حکومت کی اسکیم’سٹی گیس‘ کا سنگ بنیاد وزیر اعظم نریندر مودی ہاتھوں22نومبر کو شام 4بجے نئی دہلی کے وگیان بھون میں رکھا جائے گا۔ اس منصوبے کے تحت آئندہ رسوئی گیس سلینڈروں کے بجائے براہ راست پائپ کنکشن کے ذریعے گھر گھر پہنچائی جائے گی۔

موجودہ بیماریوں کا علاج طب یونانی کے ذریعہ ممکن: یونانی ڈاکٹروں کے اجلاس میں یونانی طریقہ علاج پرزور

موجودہ بیماریوں کا علاج طب یونانی کے ذریعہ ممکن ہے۔ یونانی ڈاکٹر، یونانی طریقہ علاج میں ہی پریکٹس کریں اورطب یونانی کے ذریعہ سماج اورمعاشرے کوصحت مند بنائیں۔ ان خیالات کا اظہار یہاں بنگلورو میں یونانی ڈاکٹرس کے اجلاس میں کیا گیا۔ ساتھ ہی یونانی طریقہ علاج پربھی زوردیا گیا۔

ودھان سودھا میں میڈیا کے داخلے پر پابندی سے قریب ایک اور قدم، محکمۂ اطلاعات میں سرکاری میڈیا سنٹر کا قیام

ریاست کے مرکز اقدار ودھان سودھا میں صحافیوں کے داخلے پر پابندی لگانے پر بضد وزیر اعلیٰ ایچ ڈی کمارسوامی نے آج ایک بار پھر یہ بات دہرائی کہ شہر کے محکمۂ اطلاعات کے دفتر میں قائم مہاتما گاندھی میڈیا سنٹر کا استعمال صحافی اپنی سرگرمیوں کے لئے کرسکتے ہیں۔