ہرشہری کو مفت طبی سہولت کی فراہمی:سدارامیا
بنگلورو،25/نومبر(ایس او نیوز) ریاستی وزیر اعلیٰ سدارامیا نے آج کہاکہ ریاست میں تمام لوگوں کو مفت طبی سہولت کی فراہمی کو یقینی بنانے بلگاوی کے اسمبلی سیشن میں فیصلہ کیاگیا ہے۔ میسور ضلع میں ایک مندر کی افتتاحی تقریب سے خطاب کرتے ہوئے انہوں نے کہاکہ نئی ہیلتھ اسکیم کے تحت بی پی یل کارڈ ہولڈرس علاج کے اخراجات ادا کرنے کی ضرورت نہیں۔ انہوں نے بتایا کہ اس اسکیم کے تحت دیہی علاقہ کے لوگوں کو سالانہ فی کس تین سو روپئے اور شہری علاقوں کے مکینوں کو سالانہ سات سو روپئے پریمیم بھر کر سرکاری اور منتخب نجی اسپتالوں میں مفت علاج کرواسکتے ہیں۔ انہوں نے کہاکہ ریاست کو بھوک سے آزاد کرنے کی اسکیم کے تحت بی پی یل کارڈ پر ماہانہ فی کس 7؍کلو چاول مفت فراہم کئے جارہے ہیں۔ ہر ایک لیٹر دودھ پر 5؍روپئے سبسیڈی ہفتہ میں ایک دن اسکولی بچوں کو دودھ فراہم کیا جارہا ہے۔ وزیراعلیٰ نے بتایاکہ لوگوں کی فلاح وبہبودی کے لئے حکومت نے کئی بھاگیہ اسکیموں کو نافذ کیا ہے۔ کسانوں کے 50؍ہزار روپے کے قرضے معاف کئے گئے جس کے نتیجہ میں سرکاری خزانہ پر8؍ہزار155؍کروڑ روپے کا افزود بوجھ پڑا ہے۔ ریاست کی ہرہوبلی میں مرارجی دیسائی اسکول کا قیام ۔اب ہمپاپورہ ہوبلی میں عنقریب مرارجی دیسائی اسکول قائم ہوگا۔