پوٹن کی سالگرہ کے دن روس بھر میں مظاہرے
ماسکو،8؍اکتوبر(ایس او نیوز؍آئی این ایس انڈیا)روسی صدر ولادیمیر پوٹن کی سالگرہ کے دن ملک بھر میں حکومت مخالف مظاہروں کا انعقاد کیا گیا۔ اس احتجاج کی کال اپوزیشن سیاستدان الیکسی ناولنی نے دی تھی، جو آئندہ صدارتی انتخابات میں پوٹن کے مقابلے میں امیدوار بننا چاہتے ہیں۔ بتایا گیا ہے کہ بروز ہفتہ دارالحکومت ماسکو اور پوٹن کے آبائی شہر سینٹ پیٹرزبرگ سمیت روس کے قریب 80 شہروں میں عام شہری پابندیوں کے باوجود سڑکوں پر نکل آئے۔ اس دوران پولیس نے 270 افراد کو گرفتار بھی کر لیا۔ یہ مظاہرین شفاف اور غیرجانبدار الیکشن کے انعقاد کا مطالبہ کر رہے تھے۔