بھٹکل:مُٹھلی سرکاری اسکول کی دو استادنیوں کوٹرانسفر کرنے کا مطالبہ؛سکھانے میں عدم دلچسپی کا الزام
بھٹکل:25جون (ایس او نیوز) تعلقہ کی مٹھلی سرکاری ہائر پرائمری اسکول میں تدریسی خدمات انجام دے رہیں دو استانیوں پرعلاقہ کے عوام نے طلبا کی تعلیمی ترقی میں عدم دلچسپی کا الزام عائد کرتے ہوئے اُنہیں فوری اسکول سے ٹرانسفر کرنے کا مطالبہ کرتے ہوئے آج یہاں بلاک ایجوکیشن آفس کے سامنے احتجاج کیا ہے
بی ای او کو سونپے گئے میمورنڈم میں بچوں کے والدین نے الزام لگایا ہے کہ استانیاں طلبا اور والدین کے ساتھ بہت ہی نازیبا سلوک برتتے ہیں، استانیوں کی طلبا کے متعلق اپنائے گئے رویہ کو دیکھتے ہوئے طلبا اسکول جانے سے ہی گھبرارہے ہیں، حالات ایسے بدترہیں کہ طلبا بار بار اپنے والدین کو لے کر اسکول پہنچتے ہیں، اسکول میں طلبا کی تعداد میں بھی کافی کمی آئی ہے۔ اسکول کی میٹنگ میں متعلقہ استانیو ں کے تبادلہ کی مانگ لے کر قرارداد پاس کی جاچکی ہے۔ اس تعلق سے اعلیٰ افسران کو بھی توجہ دلائی جاچکی ہے لیکن اس کے بائوجود اُن ٹیچروں کا تبادلہ نہیں کیا گیا ہے۔ حالات کو دیکھتے ہوئے اور طلبا کے روشن مستقبل کی خاطر مجبوراً احتجاج کی راہ اپنانے کی بات والدین اور سرپرستوں نے کہی ۔ اس موقع پر اسکول ترقی بورڈ کمیٹی کے صدر کرشنانائک، وینکٹیش نائک، آنند نائک، جٹپا نائک، روی نائک، شری دھر نائک، بےبی نائک، مادیو ی نائک، کملا نائک وغیرہ موجود تھے۔ بی ای اؤنے احتجاجیوں کی اپیل قبول کرنے کے بعد مناسب کارروائی کا تیقن دیا ہے۔