بلگاوی میں مذبح کے قیام کے خلاف ریلی

Source: S.O. News Service | By I.G. Bhatkali | Published on 9th August 2017, 10:24 PM | ریاستی خبریں |

بلگاوی۔ 9اگست (ایس او نیوز ) پارٹی خطوط سے بالاتر ہوکر عوامی تنظیموں اور لیڈروں نے بیلگاوی ضلع کے ہیرا باگواڑی گاوں میں مجوزہ مذبح کے خلاف شہر میں بڑے پیمانے پر ریلی نکالی۔ ہیراباگواڑی ملک پروڈکشن ساہکاری سنگھ کے ارکان اور دیہاتیوں نے بی جے پی کے رکن اسمبلی سنجے پاٹل ' کرناٹک کانگریس کے شعبہ خواتین کی صدر لکشمی ہیبالکر کے سا تھ ڈپٹی کمشنر کے دفتر تک مارچ نکالا اور اس خیال کو روکنے کا مطالبہ کیا۔ کرناٹک حکومت نے اس گاوں کیلئے ایک مذبح کی تجویز کو منظوری دی ہے تاہم یہاں کے لوگوں نے یہ کہتے ہوئے اس کی مخالفت کی ہے کہ یہ علاقہ کافی سرسبز و شاداب ہے اور کسان اپنی اہم زرعی اراضی پر منحصر ہیں۔ اگر یہاں پر مذبح قائم کیا جائے تو اس علاقہ میں آلودگی پیدا ہوگی۔ انہو ں نے حکومت سے مطالبہ کیا کہ مذبح کے پراجکٹ کو فوری منسوخ کیا جائے ۔ انہوں نے کہا کہ اس علاقہ میں بڑے پیمانے پر جانوروں کا چارہ اگتا ہے ۔ حکومت کو چاہئے کہ وہ اس علاقہ کو چارہ کے تحفظ کے زون کے طور پر قرار دے ۔ مسلم طبقہ کے ارکان کی کثیر تعداد نے بھی اس احتجاج میں حصہ لیا۔ انہو ں نے اس گاوں میں مذبح کے قیام کی مخالفت کی۔

ایک نظر اس پر بھی

سائبر سیکورٹی کے نظام کو مستحکم کرنا ضروری 

دہشت گرداانہ حملوں اور سماج دشمن سرگرمیوں پر نظر رکھنے کے لئے جدید ترین ٹیکنالوجی کا استعمال کرتے ہوئے سائبر سیکورٹی قائم کی جارہی ہے جو کہ اس شعبے میں ہندوستان کی ایک اہم پیش رفت ہے۔

شرورمٹھ کے سوامی کی موت کثرت شراب نوشی اور ناجائز تعلقات کا نتیجہ ؟معاملہ کی تحقیقات اور جانچ کیلئے 7ٹیمیں تشکیل 

اڈپی شرورمٹھ کے سوامی لکشمی ورتیرتھ سوامی جی کی مشتبہ حالات میں ہوئی موت پر انہیں قتل کیے جانے کاشبہ ظاہر کیاگیاتھا جس کے نتیجہ میں اڈپی ضلع ایس پی نے اس معاملہ کی ہر زاویہ سے جانچ کے لیے پولیس کی 7ٹیمیں تشکیل دی گئی ہیں ۔ شرور علاقہ میں یہ افواہیں بھی اڑائی جارہی ہیں کہ سوامی ...