سرکاری دفاتر کی سیکورٹی سخت کرنے وزیر داخلہ رام لنگا ریڈی کی میٹنگ

Source: S.O. News Service | By Shahid Mukhtesar | Published on 10th March 2018, 8:28 PM | ریاستی خبریں |

بنگلورو،9؍مارچ(ایس او نیوز)پچھلے دنوں لوک آیوکتہ جسٹس وشواناتھ شٹی پر قاتلانہ حملے کے بعد ریاست کی اہم سرکاری عمارتوں اور دفاتر پر سیکورٹی کو سخت کرنے کی ضرورت کافی شدت سے محسوس کی جارہی ہے۔ خاص طور پر ودھان سودھا ، وکاس سودھا ، لوک آیوکتہ کے دفتر اور دیگر عمارتوں میں سیکورٹی کو مستعد کرنے پر آج وزیر داخلہ رام لنگا ریڈی نے اعلیٰ پولیس عہدیداروں کے ساتھ ایک اہم میٹنگ کی ، میٹنگ میں طے کیاگیا کہ دفتر لوک آیوکتہ ، ہائی کورٹ ، ودھان سودھا، وکاس سودھا ، ایم ایس بلڈنگ، ادیوگ سودھا ، سرکاری گیسٹ ہاؤزس وغیرہ میں سیکورٹی کو پارلیمان ہاؤز کی مانند سخت کیا جائے، تاکہ دوبارہ اس طرح کے واقعات رونما نہ ہوسکیں جیسے کہ دفتر لوک آیوکتہ میں رونما ہوا۔ رام لنگا ریڈی نے اس ضمن میں اعلیٰ افسران کے مشوروں کو بغور سنا اور ان میں سے بیشتر کو عملی جامہ پہنچانے کیلئے اقدامات کی ہدایت دی۔ میٹنگ میں اڈیشنل چیف سکریٹری برائے داخلہ، پولیس کمشنر سنیل کمار اور محکمۂ داخلہ اور پولیس فورس کے دیگر اعلیٰ عہدیداران بھی موجود تھے۔

ایک نظر اس پر بھی

کرناٹک میں عازمین حج سے ضرورت سے زائد رقم کی جارہی ہے وصول ، نئے وزیرحج ضمیراحمد خان کا الزام

کرناٹک کے نئے وزیرحج ضمیراحمد خان نے الزام عائد کیا ہے کہ سفرحج کےنام پر عازمین حج کو لوٹا جارہاہے۔ بنگلورو میں ضمیراحمد خان نے کہاکہ مرکزی حج کمیٹی عازمین حج سے کیوں زائد رقم وصول کررہی ہے؟ ضمیر احمد خان نے اس پورے معاملے میں اشاروں ہی اشاروں میں  ہیراپھیری کا بھی الزام ...

جنرک میڈیکل اسٹورس میں دوائیوں کی مانگ پوری کی جائیگی منظم نیٹ ورک کے ذریعہ دوائیاں تقسیم کرنے کیلئے نیا سافٹ ویر تیار ہوگا : اننت کمار

مرکزی حکومت کی طرف سے قائم کردہ جنرک میڈیکل اسٹورس میں دوائیوں کی مانگ میں جو دن بہ دن اضافہ ہورہاہے اس کے متعلق مرکزی حکومت کو حال ہی میں اطلاع ملی ہے ۔ مزید ایک ماہ میں یہ مسئلہ حل کرلیا جائے گا۔

حج بھون کے معاملے کو لے کر بی جے پی کی سیاسی رنگ دینے کی کوشش؛ ضمیر احمد نے شوبھا کرندلاجے سے کہا؛ اپنے مفاد کے لئے گندی سیاست اور عوام کو گمراہ نہ کریں

ریاستی وزیر برائے اقلیتی امور،اوقاف وحج وغذا شہری رسد بی زیڈ ضمیر احمد خان نے کہا کہ حج گھر کو حضرت ٹیپو سلطان شہیدؒ کے نام سے منسوب کرنے کو لے کر فرقہ پرست جماعت گندی سیاست نہ کرے۔

بنگلورو میں سڑک پر ملے یتیم بچے کو دودھ پلانے والی کانسٹیبل کی عزت افزائی

کوڑا کرکٹ کے ذخیرہ سے قریب ملے یتیم بچے کی جان بچانے کے لئے اپنا دودھ پلاکر انسانیت کی مثال قائم کرنے والی الیکٹرانک سٹی پولیس تھانے کی خاتون کانسٹیبل ارچناکو مےئر سمپت راج نے آج اپنے دفتر میں اس اقدام کو سراہتے ہوئے تہنیت پیش کی۔ مےئر سمپت راج نے اپنے دفترمیں ارچنا کو ایک ...

کے پی سی سی صدارت حاصل کرنے ایچ کے پاٹل اور دنیش گنڈوراؤ کے درمیان رسہ کشی منی اپا بھی دعویدار۔ پاٹل دوڑمیں آگے،کئی سینئر لیڈروں کی تائید حاصل

کرناٹک پردیش کانگریس کمیٹی( کے پی سی سی) کے صدر کا عہدہ حاصل کرنے کے لئے ریاستی لیڈروں کے درمیان رسہ کشی جاری ہے۔ ایک دن ایک لیڈر کے نام کا اعلان ہوتا ہے تو دوسرے دن کسی دوسرے لیڈر کا نام لیا جاتا ہے۔

ڈاکٹر جی پرمیشور بنگلور کو ’’جنگی پیمانہ‘‘ پر بچانا چاہتے ہیں

شہری مسائل جو ہمارے شہر گلستاں بنگلور کو سالوں سے پریشان کئے ہوئے ہیں وہ اب بہت جلد ماضی کا باب بننے والے ہیں ، اس لئے کہ ریاستی حکومت نے کہا ہے کہ وہ اس تیز رفتاری کے ساتھ بڑھتے ہوئے شہر کو پلاسٹک سے پاک کر دے گی اور شہر کے تالابوں کو آلودگی سے محفوظ رکھنے کے لئے جنگی پیمانہ پر ...