اے ایم یوآفیسرس ایسوسی ایشن نے نئے وائس چانسلر کاخیرمقدم کیا
علی گڑھ19مئی(ایس او نیوز/آئی این ایس انڈیا)پروفیسر طارق منصور کے علی گڑھ مسلم یونیورسٹی کے وائس چانسلر مقرر ہونے پر اے ایم یوآفیسرس ایسو سی ایشن نے انہیں مبارک باد پیش کی اور ان کی قابل سرپرستی میں یونیورسٹی میں مجموعی ترقی کی امید ظاہر کی۔ اے ایم یو آفیسرس ایسو سی ایشن نے کہا کہ پروفیسر طارق منصور کے تعلیمی اور انتظامی تجربات کو دیکھتے ہوئے انہیں اس بات کا یقین ہے کہ ان کی سرپرستی میں یونیورسٹی نئی بلندیاں حاصل کرے گی۔ ایسو سی ایشن نے پروفیسر منصور کے ذریعے لئے گئے اے ایم یو ٹیچرس ایسو سی ایشن کے سکریٹری مسٹر مصطفیٰ زیدی کی بحالی کے فیصلے کابھی خیرمقدم کیاہے۔ ان کے اس برتاؤ سے یہ واضح ہوتا ہے ان کو جمہوری خدمات پر یقین ہے اور ایسو سی ایشن کو مکمل طورپریقین ہے کہ پروفیسر منصور کی سرپرستی میں علی گڑھ مسلم یونیورسٹی اپنی قابلِ ستائش تاریخ کو حاصل کرنے میں کامیاب ہوگی۔