پرینکا گاندھی یوپی میں کانگریس کو بچائے گی یا دہلی میں اپنے شوہر نامدا رکو 

Source: S.O. News Service | By Jafar Sadique Nooruddin | Published on 9th February 2019, 11:46 PM | ملکی خبریں |

لکھنؤ :9 /فروری (ایس اونیوز /آئی این ایس انڈیا)اتر پردیش کی سیاست میں 11 فروری سے پرینکا واڈرا کی دھماکہ دار انٹری ہو جائے گی۔ ان کے تمام پروگرام طے کر دیئے گئے ہیں۔ ا س بار یوپی میں کانگریس کی سیاست کا پہیا رائے بریلی، امیٹھی یا الہ آباد سے نہیں لکھنؤ سے گھومے گا۔ پرینکا 11 کو لکھنؤ آئیں گی اور 14 تک رہیں گی۔ ممکنہ طور سیاسی طور پر ابھی تک نہرو ۔گاندھی خاندان کے کسی بھی رکن نے اتنا لمبا وقت لکھنؤ میں نہیں گزارا ہو گا ۔پرینکا جب 11 فروری کو لکھنؤ آئیں گی تو کانگریس اور اتر پردیش میں ان کی سیاسی اننگز کو لے کر مطلع اور بھی صاف ہو جائے گا۔ابھی تک پرینکا کو مشرقی یوپی کی ذمہ داری دیئے جانے کی بات سامنے آ رہی ہے، لیکن راہل گاندھی کے بیانات سے لگتا ہے کہ پرینکا مشرقی اتر پردیش سے ہٹ کر صوبہ کے دیگر حصوں میں کانگریس کس طرح مضبوط ہو، اس تناظر میں بھی پارٹی کے سینئر لیڈروں سے تبادلہ خیال کرتی رہیں گی۔ یوپی میں ٹکٹوں کی تقسیم میں بھی پرینکا کا کردار اہم ہو سکتا ہے ۔ پرینکا کو جیسے ہی یوپی میں نئی ذمہ داری سونپی گئی، اس کے فورا بعد تمام اضلاع سے ان کے جلسہ عام کرائے جانے کی مانگ ہونے لگی ۔ کانگریس کا جو بھی رہنما جس پارلیمانی سیٹ سے انتخابی میدان میں اترنا چاہتا ہے، وہ وہاں پرینکا گاندھی کی کم از کم ایک جلسہ عام اپنے یہاں کرانا چاہتا ہے۔جتنی مانگ پرینکا گاندھی کا اجلاس کرائے جانے کی ہو رہی ہے، اتنی تو کبھی راہل گاندھی کی بھی نہیں ہوئی، جبکہ وہ کانگریس کے صدر ہیں۔پرینکا نئی اننگز کا آغاز کرنے کے لئے ابھی یوپی میں آئیں نہیں ہیں، لیکن رابطہ اور سیاسی پختگی کے معاملہ میں کانگریسیوں کو راہل سے زیادہ ان پر اعتماد دکھائی دے رہا ہے۔ تاہم ادھر نئی دہلی میں ان کے شوہر نامدار واڈرا ’ای ڈی‘ کے شکنجے میں ہیں ، دیکھنا یہ ہوگا کہ اس کیفیت میں وہ کس طرح دونوں طرف توازن رکھ پاتی ہیں ۔ 

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...