ہاسن 13/اپریل (ایس اونیوز) ضلع ہاسن کے چنّارائے پٹن میں ایک تیز رفتار پرائیویٹ بس اُلٹ جانے کے نتیجے میں بس پر سوار دو مسافروں کی موقع پر ہی موت واقع ہوگئی جبکہ دس سے زائد لوگ زخمی ہوگئے۔ حادثہ جمعہ کی صبح پیش آیا۔
بس کنداپور سے بنگلور جارہے تھے کہ بیڈرہلّی گیٹ کے قریب اچانک بس اُلٹ گئی۔ بتایا گیا ہے کہ بس پر 21 مسافر سوار تھے جس میں دو لوگوں کی موت ہونے کے ساتھ ساتھ دس سے زائد لوگوں کو چوٹیں بھی آئی ہیں جنہیں بیلّورو بی جے ایس اسپتال میں داخل کیا گیا ہے۔
مرنے والوں کی شناخت ششی دھر (14) اور دیانند (38) کی حیثیت سے کی گئی ہے۔ بتایا گیا ہے کہ ششی دھر نامی طالب العلم بنگلور کے کسی اسکول میں داخلہ لینے کے لئے جارہا تھا۔
ہیرےساوے پولس تھانہ میں اس تعلق سے معاملہ درج کیا گیا ہے اور پولس مزید چھان بین کررہی ہے۔