کاروار19/نومبر (ایس او نیوز) لکثری بس اور لاری کے درمیان ضلع  اُترکنڑا کے یلاپور میں پیش آئے ایک سڑک حادثہ  میں بس ڈرائیور اور لاری ڈرائیور سمیت 31 مسافر  شدید زخمی ہوگئے۔ حادثہ سنیچر اور اتوار کی درمیانی شب بسگوڈا کراس نیشنل ہائی وے 66 پر پیش آیا۔

ذرائع سے ملی اطلاع کے مطابق بس ہبلی سے مینگلور جارہی تھی، جب مخالف سمت سےآرہی تمل ناڈو کی ایک لاری کے ساتھ زبردست ٹکر ہوئی۔ حادثے میں زخمی ہونے والوں کو فوری طور پر یلاپور تعلقہ اسپتال منتقل کیا گیا، جس میں بعض شدید زخمیوں کو ہبلی کیمس ، دھارواڑ ایس ڈی ایم اور بیلگام کے کے ایل ای اسپتال میں بھی منتقل کیا گیا ہے۔

حادثے میں بس ڈرائیور راجیش اُودے شنکر (21) اور لاری ڈرائیور ایس رامو (46) بھی زخمیوں میں شامل ہیں۔ بس پر سوار مسافروں میں  رگھوتم گوپال  اچاریہ (70)، کیرالہ کے شوکت شمس الدین (28)، دھارواڑ کی انّا پورنمّا، چندرکلا نائک،  شامبوی شٹی،   لوکناتھ دنیش پجاری،  ریتو لوکناتھ پجاری، اندرا لوک ناتھ پجاری،   بی آر نندا رگھوتم،  ریکھا دنیش،  بیلگام کی سوریکھا نگپّا،  ونئے یشودھا، یشودھر ناگنّا،  میدھا ونائک ہیگڈے،  راجو کوٹپّا انگڑی،   ونائک شری پد ہیگڈے،  ہبلی  کی کرتیکا سریش رائو،  کرتن رمیش  بھٹ،  ممبئی کے پانگل اشوک شٹی، دانڈیلی کی اشا جان پیٹر، جان پیٹر، پرتیک جان پیٹر، کلبرگی کی شیتل دیولو  گائونکر، مینگلور کی ایشوریا امول پاٹنیکر، تمل ناڈو کے اشوک راجیندرپا،  سانتل ارمن زخمیوں میں شامل ہیں۔

یلاپور کی 108 ایمبولنس اور دیگر دو پرائیویٹ ایمبولنس کی مدد سے تمام زخمیوں کو پہلے سرکاری اسپتال پھر پرائیویٹ اسپتالوں میں منتقل کیا گیا۔

بتایا گیا ہے کہ رات قریب بارہ بجے یلاپور میں ہورہی موسلادھار بارش کے چلتے یہ حادثہ پیش آیا۔ حادثے میں بس اور لاری کو بہت بری طرح نقصان پہنچا ہے۔ حادثے کی اطلاع ملتے ہی پولس آفسر  ڈاکٹر منجوناتھ نائک،  ناگرک ویدیکے کے صدر رامو نائک، مقامی لوگوں میں سُدھیر اچاریہ بارش ہونے کے بائوجود موقع پر پہنچ کر زخمیوں کی مدد کی۔

یلاپور پولس تھانہ میں بس اور لاری ڈرائیوں کے خلاف معاملہ درج کیا گیا ہے اور پولس پورے  معاملے کی چھان بین کررہی ہے۔