سعودی عرب: دنیا کے سب سے بڑے تفریحی شہر کا اعلان

Source: S.O. News Service | Published on 8th April 2017, 5:20 PM | خلیجی خبریں |

ریاض،8اپریل(ایس او نیوز/آئی این ایس انڈیا)سعودی عرب کے نائب ولی عہد شہزادہ محمد بن سلمان بن عبدالعزیز نے عالمی سطح پر سب سے بڑے ثقافتی اور تفریحی شہر کے مں صوبے کا اعلان کیا ہے۔ یہ منصوبہ سعودی دارالحکومت ریاض کے جنوب مغرب میں واقع علاقے القِدیہ میں 334 مربع کلومیٹر کے رقبے پر ہوگا۔سعودی پریس ایجنسی کے مطابق شہزادہ سلمان جو پبلک انویسٹمنٹ فنڈ کے بورڈ آف ڈائریکٹرز کے چیئرمین بھی ہیں انہوں نے بتایا کہ مذکورہ شہر ایک اہم ثقافتی سنگِ میل ثابت ہونے کے علاوہ مملکت میں مستقبل کی نسل کی تفریحی، ثقافتی اور سماجی ضروریات پوری کرنے کا مرکز بھی ہوگا۔
سعودی نائب ولی عہد نے واضح کیا کہ یہ پْر عزم منصوبہ سعودی عرب کے پروگرام ویڑن 2030 کے سلسلے کی ایک کڑی ہے۔ اس مقصد کے لیے مملکت کے اندر سرمایہ کاری کی جائے گی جس سے ملک و قوم کو فائدہ پہنچے، ملکی آمدنی کے متنوع ذرائع میسر آئیں، سعودی معیشت آگے بڑھے اور نوجوانوں کے کے لیے روزگار کے مزید مواقع پیدا ہوں۔شہزادہ سلمان کے مطابق مملکت کا پبلک انویسٹمنٹ فنڈ اس منصوبے میں مرکزی سرمایہ کار ہوگا۔ اس کے علاوہ ملکی و غیر ملکی بڑے سرمایہ کار بھی حصہ لیں گے۔
منصوبے کا سنگِ بنیاد 2018 کے اوائل میں رکھا جائے گا جب کہ اس کے پہلے فیز کا افتتاح 2022 میں کر دیا جائے گا۔ امید ہے کہ یہ منصوبہ معاشرتی ترقی اور خوش حالی لانے کے علاوہ دارالحکومت ریاض کو زندگی گزارنے کے لیے دنیا کے 100 بہترین شہروں کی فہرست میں بھی لانے میں اہم کردار ادا کرے گا۔مذکورہ منصوبہ مستقبل کی مہم جوئی کا دارالحکومت ہونے کے لحاظ سے دنیا بھر کے زائرین کے لیے کشش کا مرکز ہوگا۔ انتہائی باریک بینی کے ساتھ منتخب کی جانے والی سرگرمیوں کے لیے جدید ترین بین الاقوامی معیار کو بنیاد بنایا گیا ہے تا کہ صحت مندانہ ماحول میں بہترین تفریح فراہم کی جا سکے۔اس بات کی بھی توقع ہے کہ(Six Flags) کا تفریحی شہر منصوبے کے پر کشش ترین ذرائع میں شامل ہو گا۔یاد رہے کہ القِدِیّہ کے منصوبے میں 4 مرکزی مجوعے شامل ہوں گے جو تفریح، گاڑیوں کا کھیل، کھیل کود اور ہاؤسنگ و ضیافت ہے۔منصوبے میں دنیا کے مشہور ترین ریستوران اور ٹریڈ مارک اپنی خدمات فراہم کریں گے۔آنے والے وقتوں میں منصوبے کے متعلق تفصیلات کو منظر عام پر لایا جائے گا۔
 

ایک نظر اس پر بھی

کرناٹک کے وزیراعلیٰ سدرامیا کا دبئی دورہ؛ غیر رہائشی کنڑیگاس کو حکومت کی جانب سے خصوصی شناختی کارڈ فراہم کرنے کا وعدہ

کرناٹک کے وزیر اعلیٰ سدارامیا جو  جمعرات کی شام کو دبئی پہنچے تھے، جمعہ کو کرناٹکا این آرآئی کمیٹی یو اے ائ کا افتتاح کرتے ہوئے اعلان کیا کہ  غیر رہائشی کنڑیگاس(این آر کے) کو کرناٹکا حکومت کی طرف سے خصوصی شناختی کارڈ دئے جائیں گے۔  انڈین ایمبیسی دبئی  کے ہال میں ...

ابنائے جامعہ جدہ میں جامعہ اسلامیہ کے ناظم اعلی ماسڑ شفیع کا پر تباک استقبال

جامعہ اسلامیہ کے ناظم اعلی محترم جناب ماسٹر شفیع کی عمرہ کی غرض سے مکہ آمد پر ابنائے جامعہ جدہ موقع کو غنیمت سمجھتے ہوئے اور موصوف کی اصلاحی اور تربیتی نصحتوں سے مقیمین جدہ کو محظوظ کرانے کے لئے جناب منیری فضل الرحمن کی رہائیشگاہ پر جلسہ منعقد کیا جس میں کثیر تعداد میں لوگ ...

مادرِ وطن کی وحدت برقرار رکھنے کا بڑا چیلنج درپیش ہے: سعودی ولی عہد

سعودی عرب کے ولی عہد اور وزیر داخلہ شہزادہ محمد بن نایف نے کہا ہے کہ اس وقت ہمیں مادر وطن کی وحدت کو برقرار رکھنے کا بڑا چیلنج درپیش ہے۔انھوں نے عرب اور قومی اتحاد کی ضرورت پر زور دیتے ہوئے کہا ہے کہ اس کو ذاتی،نسلی،فرقہ ورانہ مفادات یا کسی نظریاتی اتحاد سے بالاتر ہونا چاہیے۔وہ ...

کرناٹک کے وزیراعلیٰ سدرامیا سہ روزہ دورۂ دوبئی پر روانہ

وزیر اعلیٰ سدرامیا آج خلیجی مملکت متحدہ عرب امارات کے سہ روزہ دورہ پر روانہ ہوگئے۔آج صبح سدرامیا کیمپے گوڈا انٹرنیشنل ایرپورٹ سے دوبئی کیلئے نکلے ، کل جمعہ کو کرناٹکا این آر آئی کمیٹی کے زیر اہتمام منعقدہ افتتاحی تقریب میں سدرامیا بطور مہمان خصوصی شرکت کریں گے۔

منگلورو میں تعمیراتی دنیا کے مشہورنام IN-LANDکی ٹیم کا قطر دورہ؛ قطر میں موجود کنڑیگا س کیلئے آشیانہ خریدنے پر%20 تک خصوصی ڈسکاؤنٹ

روز افزوں ترقی کی طرف بڑھتے ہوئے ساحلی علاقے کے مشہور منگلورو شہرمیں تعمیراتی پروجیکٹس اور شاندار اپارٹمنٹس کے لئے IN-LAND ایک بہت ہی معروف اور معتبر نام مانا جاتا ہے۔