وزیر اعظم تشہیری نظام بند کریں اور ملک کو جواب دیں:حالات کی سنگینی اور مودی کی خاموشی پر کانگریس نے مانگا جواب؛ مرکزی سرکار آخر کرکیارہی ہے ؟

Source: S.O. News Service | By Sheikh Zabih | Published on 15th June 2017, 6:01 PM | ملکی خبریں |

نئی دہلی، 15؍جون(ایس او نیوز/آئی این ایس انڈیا ) کانگریس نے ملک کے زرعی شعبے کی صورت حال کو سنگین قراردیتے ہوئے وزیر اعظم نریندر مودی سے اپنے تشہیری نظام کو بند کرنے کا مطالبہ کرتے ہوئے ملک کو جواب دینے کامطالبہ کیا ہے۔پارٹی نے الزام لگایا کہ اتنی تشویش ناک صورت حال میں بھی حکومت غیر حساس اور وزیر اعظم خاموش ہیں۔راجیہ سبھا میں اپوزیشن کے ڈپٹی لیڈر اور کانگریس کے سینئر لیڈر آنند شرما نے جمعرات کو پریس کانفرنس میں کہا کہ زراعت میں مدھیہ پردیش، مہاراشٹر، ہریانہ سمیت ملک کی دیگر ریاستوں کی صورت حال سنگین ہے اور آج بھی مرکزی حکومت اس سے انکار کر رہی ہے، مدھیہ پردیش میں غیر اعلانیہ کرفیو نافذ ہے ، دوسری پارٹیوں کے لیڈروں کو وہاں جانے کی اور کسانوں سے ملاقات کی بھی اجازت نہیں دی جا رہی ہے، آج تک کوئی عدالتی انکوائری اور مقدمہ درج نہیں کیا گیا، جنہوں نے گولیاں چلائی ان پر،جہاں تک قرض کی بات ہے،تووہ 55فیصد بڑھا ہے، آٹھ لاکھ گیارہ ہزار کروڑ۔

کانگریس لیڈر آنند شرما نے الزام لگایا ہے کہ جب حالات اتنے سنگین ہو چکے ہوں ، جب کسان خودکشی کر رہے ہیں، ایسے وقت میں سود میں پانچ فیصد رعایت دینا ،جلے پر نمک چھڑکنے جیسا ہے۔پرانی حکومتیں بھی 2-3فیصد تک اس میں رعایت دے چکی ہیں ،تو مودی حکومت نے نیا کیا کیا؟ جس کی تشہیر کی جا رہی ہے۔آنند شرما نے کہاکہ آج کی صورت حال میں بھی وزیر اعظم خاموش ہیں،انہیں اس پر ملک کو بتانا چاہیے کہ مرکز کی حکومت نے کیا کیا؟زراعت کی صورت حال اتنی تشویشناک ہے اور حکومت غیر حساس بنی رہتی ہے۔ایم ایس پی کو لے کر سوامی ناتھن کمیشن کی رپورٹ کو لاگو کرنے سے بھی آگے کی بات کرنے کا وقت آ گیا ہے، تشہیرکرنے کا وقت اب ختم ہو گیا ہے،ابھی جوابدہی کی بات آ چکی ہے۔شرما نے کہاکہ ملک میں راتوں رات حالات نہیں بگڑے ہیں ، وزیر اعظم اپنے تشہیری نظام کو بند کریں اور ملک کو جواب دیں اور اگر کوئی مسئلہ ہی نہیں ہے تو ملک کا کسان بحرانی کیفیت سے کیوں دوچار ہے، بلیک منی جملہ ہو گیا ہے، ملازمت دینے کی بات کرنی بند کر دی گئی ہے۔

ایک نظر اس پر بھی

مدھیہ پردیش اور مرکز کی بی جے پی حکومت خاتون، نوجوان اور کسان مخالف: جیتو پٹواری

 مدھیہ پردیش میں لوک سبھا انتخابات کی مہم زور پکڑ رہی ہے۔ کانگریس قائدین کی موجودگی میں شہڈول پارلیمانی حلقہ کے امیدوار پھندے لال مارکو اور منڈلا کے امیدوار اومکار سنگھ مرکام نے اپنے کاغذات نامزدگی داخل کئے۔ اس موقع پر کانگریس لیڈروں نے کہا کہ ریاستی اور مرکزی حکومتیں ...

عدلیہ کی سالمیت کو خطرہ قرار دیتے ہوئے 600 وکلا کا چیف جسٹس آف انڈیا کو مکتوب

عدالتی سالمیت کے خطرے کے حوالے سے ہندوستان بھر کے ۶۰۰؍ وکلاء جن میں ایڈوکیٹ ہریش سالوے اور بار کونسل آف انڈیا کے چیئرمین منن کمار شامل ہیں نے چیف جسٹس آف انڈیا ڈی وائی چندرچڈ کو مکتوب لکھا ہے۔ وکلاء نے ’’مفاد پرست گروہ‘‘ کی مذمت کی ہے جو عدالتی عمل میں ہیرا پھیری، عدالتی ...

ملک کی وزیر خزانہ نرملا سیتارمن کے پاس الیکشن لڑنے کے لیے پیسے نہیں!

ملک کے خزانے کا حساب و کتاب رکھنے والی وزیر خزانہ نرملا سیتارمن کے پاس الیکشن لڑنے کے لیے پیسے نہیں ہیں۔ یہ انکشاف انہوں نے خود ہی کیا ہے۔ انہوں نے کہا کہ پارٹی صدر جے پی نڈا نے مجھ سے لوک سبھا الیکشن لڑنے کے بارے میں پوچھا تھا مگر انہوں نے انکار کر دیا کیونکہ ان کے پاس الیکشن ...

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...