بھٹکل آمد کے موقع پر وزیرداخلہ جی پرمیشور نے کہا؛ نریندر مودی کسانوں کا قرضہ معاف کرنا نہیں چاہتے

Source: S.O. News Service | By Shahid Mukhtesar | Published on 11th August 2018, 11:20 AM | ریاستی خبریں | ساحلی خبریں |

بھٹکل /منگلورو11؍اگست(ایس او  نیوز) بھٹکل میں جمعہ کو منعقدہ  رابطہ تعلیمی ایوارڈ پروگرام میں شرکت کے لئے پہنچے  ریاست کرناٹک کے نائب وزیراعلیٰ اور وزیرداخلہ  کا قلمدان رکھنے والے جی پرمیشور نے مینگلور ائرپورٹ سے باہر نکلنے کے بعد اخبارنویسوں کو بتایا کہ  مرکزی حکومت کو کسانوں کا قرضہ معاف کرتے ہوئے مستقل حل ڈھونڈنکالنے کی کوئی فکر نہیں ہے ۔ وزیراعظم نریندر مودی بھی اس معاملہ میں آمادہ بھی نظر نہیں آرہے ہیں۔

 پرمیشور نے کہا کہ ملک بھر میں مالیاتی سال 2017-18کے دوران 12500کسانوں نے خود کشی کرتے ہوئے اپنی جانیں گنوائی ہیں ۔ ریاستی حکومت نے کسانو ں کا قرضہ معاف کرنے کااعلان کیا ہے ،جس کی وجہ سے قومی بینکوں سے حاصل کردہ کسانوں کا 30ہزار کروڑ قرضہ کا بوجھ حکومت پر پڑا ہے۔ریاستی حکومت سے یہ بوجھ ہٹادیا جائے تو اس رقم سے کسانوں کے لئے درکار ڈرپ ایریگیشن ، کولڈ اسٹور یج ودیگر وسائل کی فراہمی ممکن ہوپائے گی۔ لیکن مرکزی حکومت اس جانب توجہ نہیں دے رہی ہے ۔

 ریاست میں غیر قانونی طور پر رہائش پذیر بنگلہ دیشی اور غیر قانونی طور پر ملک آنے والے بیرون ممالک کے باشندوں کے تعلق سے پوچھے گئے سوال پر انہوں نے کہا کہ اُن  کو ان کے ملک واپس بھیج دیا جائے گا ۔ ایسے لوگوں کی شناخت کے بعد ہم خود ان کی ٹکٹ کا بندوبست کرتے ہوئے ان کے ملک واپس لوٹا دیں گے ۔

پرمیشور نے کہا کہ مقامی بلدی اداروں کے انتخابات میں کانگریس اور جے ڈی ایس کے درمیان ریاستی پیمانے پراتحاد نہیں ہوگا ، تاہم مقامی سطح پر مقامی قائدین اتحاد کرنا چاہیں تو کوئی اعتراض نہیں ہے۔مخلوط حکومت کی حلف برداری تقریب پر خرچ کی گئی خطیر رقم کے سلسلہ میں پوچھے گئے سوال کا جواب دیتے ہوئے پرمیشور نے کہا کہ ریاست کو آنے والے مہمانوں کی مہمان نوازی کی گئی ہے ، ان کے قیام وطعام کے لئے خرچ کی گئی رقم کو حساب میں لایا جارہا ہے ۔ جے ڈی ایس کے رکن اسمبلی بھوجے گوڑانے کہا تھا کہ جنوبی کنڑا میں کانگریس کی شکست کی وجہ ہندوؤں سے لاپروائی ہے ، اس پر جواب دیتے ہوئے پرمیشور نے کہا کہ وہ بھوجے گوڑا کی رائے ہے ، اس کو میں کیوں قبول کروں، شکست کے سلسلہ میں ہمارا تجزیہ اس سے مختلف ہے ۔ اس موقع پر سابق وزیر راماناتھ رائے ، پرمود مدھوراج ودیگر عمائدین موجود تھے۔

ایک نظر اس پر بھی

پانچ حلقوں کے لئے آج نامزدگیوں کی جانچ ہوگی

ریاست کے تین لوک سبھا اور دو اسمبلی حلقوں کے لئے ضمنی انتخابات کے لئے آج نامزدگیو ں کے داخلوں کی تکمیل کے ساتھ ہی تینوں اہم سیاسی جماعتوں کے امیدوار آمنے سامنے آگئے ہیں۔

حکومت گر جانے کے متعلق یڈیورپا کے بیان پر سدر امیا کا طنز، اقتدار کی حوس میں سابق وزیراعلیٰ اپنا دماغی توازن کھو بیٹھے ہیں: سدرامیا

سابق وزیراعلیٰ اور ریاستی بی جے پی صدر بی ایس یڈیورپا کا یہ دعویٰ کہ آج دوپہر تین بجے تک ریاست کی سیاست میں بہت بڑی تبدیلی ہونے والی ہے ایک بار پھر جھوٹا ثابت ہوا۔

کاروار : یکم نومبر کے کنڑا راجیوتسوا پروگرام میں سرکاری افسران اور عملہ کی حاضری لازمی : ضلع ڈی سی

یکم نومبر کو منائےجانے والے ریاستی تہوار ’’کنڑا راجیوتسوا‘‘  ضلعی سطح پر کاروار میں منعقد ہونے والے پروگرام میں کاروار کے تمام سرکاری عملہ لازمی طورپر شریک ہونے کی ڈپٹی کمشنر ایس ایس نکول نے ہدایات جاری کی ہیں۔

بھٹکل میں کل بدھ کو ہوگا تنطیم میڈیا ورکشاپ کا عظیم الشان اختتامی اجلاس؛ بنگلور اور حیدرآباد سے میڈیا ماہرین کریں گے خطاب

مجلس اصلاح و تنظیم بھٹکل کی جانب سے پانچ روزہ ورکشاپ کا اختتامی اجلاس کل بدھ 17/اکتوبر کو  منعقد ہوگا جس میں سنئیر جرنلسٹ اور کرناٹکا کے سابق  وزیراعلیٰ سدرامیا کے خصوصی میڈیا مشیر مسٹر دنیش امین مٹّو مہمان خصوصی کے طور پر تشریف فرما ہوں گے۔