ہوناور میں پریس رپورٹر کی سمندر میں گرنے سے موت؛ لاش برآمد
بھٹکل 18/ستمبر (ایس او نیوز) یہاں سے قریب 30 کلو میٹر دور ہوناورتعلقہ کے کاسرکوڈ میں ایک شخص سمندر میں گرکر ہلاک ہوگیا جس کی شناخت منجوناتھ (34) کی حیثیت سے کی گئی ہے۔
بتایا گیا ہے کہ منجوناتھ پہلے کنڑا نیوز چینلس میں رپورٹر کی حیثیت سے کام کرتا تھا مگر بعد میں وہ رپورٹنگ کے پیشے سے علیحدہ ہوگیا تھا۔ سمجھا جارہا ہے کہ ہوناور بندر پر ماہی گیری بوٹ سے نیچے گرنے کے نتیجے میں اس کی موت واقع ہوئی ہے۔
سمندر سے لاش برآمد کرلی گئی ہے۔ پولس چھان بین جاری ہے۔