کرناٹک میں پرچہ نامزدگی داخل کرنے کا آغاز ؛26؍ مارچ تک موقع 

Source: S.O. News Service | By Shahid Mukhtesar | Published on 20th March 2019, 11:55 AM | ریاستی خبریں | ان خبروں کو پڑھنا مت بھولئے |

بنگلورو،20؍مارچ (ایس او نیوز) پارلیمانی انتخابات کے لئے نامزدگیاں داخل کرنے کا سلسلہ شروع ہوچکا ہے۔ 26؍ مارچ تک نامزدگی کا غذات داخل کرنے کا موقع رہے گا۔ 

اخباری کانفرنس کے دوران بروہت بنگلورو مہا نگر پالیکے (بی بی ایم پی ) کمشنر منجوناتھ پر ساد اور بنگلورو ضلع کے انتخابی افسر نے بتایا کہ نامزدگی کا غذات داخل کرتے وقت چند سخت اقدامات کئے گئے ہیں۔ انہوں نے بتایا کہ ماہ کے چوتھے ہفتہ اور اتوار کے دن کاغذات داخل کرنے کا موقع نہیں رہے گا۔ بقیہ دنوں میں مقررہ اوقات کا ر میں نامزدگی کاغذات داخل کئے جاسکتے ہیں۔ 

انہوں نے بتایا کہ نا مزدگی صبح 11؍ بجے سے دوپہر 3؍ بجے تک متعلقہ ریٹرنگ افسر کے دفتر پہنچ کر داخل کرنے کا موقع فراہم کیا گیا ہے۔ انتخابی افسر نے بتایا کہ نامزدگی داخل کرتے وقت امیدواروں کے ہمراہ صرف 5؍ افراد ہی کو داخلہ دیا جائے گا۔ نامزدگی کاغذات کے ساتھ افیڈیوٹ (حلف نامہ) پیش کرنا لازمی ہے۔ 

انہوں نے بتایا کہ جن امیدواروں کے خلاف فوجداری مقدمہ درج ہے ایسے امیدوار کو چاہئے کہ وہ افیڈیوٹ میں تمام تفصیلات درج کرے۔ جس امیدوار کے خلاف فوجداری مقدمہ دائر ہے ایسے امیدوار کو چاہئے کہ وہ پرنٹ اور الیکٹرانک میڈیا میں تین مرتبہ اشتہارات شائع کریں۔ امیدوار کی جانب سے اشتہارات میں پیش کردہ تصویر تین ماہ کے اندر کی ہو۔ انہوں نے کہا کہ امیدوار افیڈیوٹ میں کوئی بھی کالم نہ چھوڑیں۔ اس کے علاوہ امیدوار کو چاہئے کہ نیا بینک اکاؤنٹ کھول کر اس کے ذریعہ اپنا کاروبار و حساب و کتاب رکھے۔ 

منجوناتھ پرساد نے بتایا کہ زیر سماعت قیدیوں کو بھی اپنے ووٹ کا استعمال کرنے کا موقع فراہم کیا گیا ہے۔ اب تک دو ہزار غنڈہ عناصر سے ایک سے 5؍ لاکھ روپیوں تک کے بانڈ حاصل کرلئے گئے ہیں۔ انہوں نے بتایا کہ امیدواروں اپنے نامزدگی کاغذات داخل کرتے وقت اپنے کنبے کی جائیداد کی بھی تفصیلات پیش کرے ۔ اور یہ تفصیلات 5؍ سال کی ہونی چاہئیں۔ 

انہوں نے بتایا کہ اس سے قبل کے انتخابات میں امیدوار کے کنبے کی تفصیلات لازمی نہیں تھی لیکن اس مرتبہ اس کو لازمی قرار دیا گیا ہے۔ منجوناتھ پرساد نے بتایا کہ ہر ایک امیدوار کو انتخابات کے دوران صرف 70؍ لاکھ روپئے خرچ کرنے کی حد مقرر کی گئی ہے۔ اس رقم کو بینک میں جمع کر کے اس کے ذریعہ خرچ کرتے ہوئے ہر دن اخراجات سے متعلق انتخابی افسر کو تفصیلات پیش کرنا لازمی ہے۔ انہوں ے بتایا کہ نامزدگی کاغذات داخل کرتے وقت ریٹرنگ افسر کے دفتر سے 100؍ میٹر تک صرف تین ہی گاڑیوں کو داخل ہونے کی اجازت ہوگی۔ منجوناتھ پرساد نے بتایا کہ بی جے پی امیدوار تیجسونی اننت کمار کے آدھیمیا چیتنا ٹرسٹ کی صدر ہیں۔ اس ٹرسٹ کی جانب سے اسکولوں کو دوپہر کا کھانا فراہم کیا جاتاہے۔ اس سلسلے میں انتخابی کمشنر کے ساتھ تبادلہ خیلا کرنے کے بعد اگلا قد اٹھایا جائے گا۔ اخباری کانفرنس میں شہر کے پولیس کمشنر ٹی۔ سنیل کمار بھی شریک تھی۔

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔   

مہوا موئترا نے ای ڈی کے سمن کو کیا نظر انداز، کرشنا نگر میں چلائیں گی انتخابی مہم

 ترنمول کانگریس (ٹی ایم سی) لیڈر مہوا موئترا نے انفورسمنٹ ڈائریکٹوریٹ (ای ڈی) کے سمن کو نظر انداز کرتے ہوئے کہا کہ وہ آج کرشنا نگر لوک سبھا حلقہ میں انتخابی مہم چلائیں گی۔ انہیں دہلی میں ای ڈی کے دفتر میں پوچھ گچھ کے لیے حاضر ہونے کو کہا گیا تھا۔

دہلی میں شدید گرمی، درجہ حرارت 37 ڈگری سیلسیس تک پہنچا

 دہلی اور اس کے آس پاس کے علاقوں میں درجہ حرارت میں اضافہ درج کیا جانے لگا ہے اور مارچ میں ہی گرمی نے اپنا زور دکھانا شروع کر دیا ہے۔ محکمہ موسمیات کے مطابق بدھ کو قومی راجدھانی میں رواں سال کا گرم ترین دن ریکارڈ کیا گیا۔ دریں اثنا، زیادہ سے زیادہ درجہ حرارت 37 ڈگری سیلسیس تک پہنچ ...

لوک سبھا انتخاب: مالوگم میں صرف ’ایک ووٹر‘ کے لیے الیکشن کمیشن نے اٹھایا بڑا قدم!

لوک سبھا انتخاب کی سرگرمیوں کے درمیان اروناچل پردیش سے ایک دلچسپ خبر سامنے آ رہی ہے۔ اروناچل پردیش میں لوک سبھا اور اسمبلی انتخاب سے قبل الیکٹورل افسران کی ایک ٹیم انجا ضلع کے مالوگم گاؤں پہنچنے والی ہے۔ دراصل اس گاؤں میں 44 سالہ سوکیلا تایانگ تنہا ووٹر ہیں اور وہ خاتون بھی ...

عازمین کیلئے دوسری قسط جمع کرانے کی آج آخری تاریخ

قرعہ اندازی میں منتخب عازمین اورویٹنگ لسٹ کنفرم ہونے والے تمام عازمین کو دوسری قسط کےطور پر ایک لاکھ ۷۰؍ ہزار روپے جمع کرانے کیلئے توسیع شدہ تاریخ کا آج  بروز جمعرات ۲۸؍ مارچ آخری دن ہے ۔ اسی کے ساتھ ایسی خواتین جو محرم کے زمرے میں شامل تھیں، یعنی ان کے شوہروں یا اہل خانہ نے ...

کیجریوال کی گرفتاری کے خلاف آج دہلی ہائی کورٹ میں سماعت، عآپ کا سڑکوں پر احتجاج جاری

دہلی شراب پالیسی معاملہ میں وزیر اعلی اروند کیجریوال کی گرفتاری کے بعد سڑکوں پر احتجاج جاری ہے۔ منگل (26 مارچ) کو عام آدمی پارٹی کے کارکنان وزیر اعظم کی رہائش گاہ کا گھیراؤ کرنے کے لیے سڑکوں پر نکل آئے اور شدید احتجاج کیا، جس پر دہلی پولیس نے سیکورٹی سخت کرتے ہوئے مظاہرین کو ...