میٹرو ٹرین پراجکٹ کے پہلے مرحلے کا صدر ہند کے ہاتھوں افتتاح

Source: S.O. News Service | By Shahid Mukhtesar | Published on 17th June 2017, 11:07 AM | ریاستی خبریں |

بنگلورو،16؍جون(ایس او نیوز) بنگلور میٹروریل پراجکٹ کا پہلا مرحلہ جو 42کلومیٹر پر مشتمل ہے،  صدر جمہوریہ پرنب مکھرجی قوم کے نام معنون کریں گے۔ پہلے حصہ کے بارہ کلومیٹر پر مشتمل گرین لائن پر کل سے باضابطہ میٹرو ریل خدمات شروع ہوجائیں گی۔ جس کے ساتھ ہی شہر کی چہار جانب میٹرو خدمات دستیاب رہیں گی۔ 42.3کلومیٹر پر مشتمل ناگسندرا یلچن ہلی اور 24کلومیٹر پر مشتمل ایک اور لائن پر خدمات کو صدر ہند پرنب مکھرجی ہری جھنڈی دکھائیں گے۔موجودہ میسور روڈ اور بیپنا ہلی مشرق مغرب کاریڈور پر مشتمل 18کلومیٹر طویل لائن پر خدمات جاری ہیں۔ کل باضابطہ شمال جنوب لائن کے افتتاح کے بعد 20جون سے عوام کیلئے یہ خدمات دستیاب رہیں گی ۔ اپریل 2017میں اس پراجکٹ کو مکمل کرلیا گیاتھا تاہم محکمۂ ریلویز کی طرف سے حفاظتی سند کا انتظار تھا۔ اب گزشتہ ہفتہ محکمۂ ریلویز نے اسے حفاظتی منظوری بھی دے دی ہے۔ یہ گرین لائن جو ناگسندرا سے شروع ہوتی ہے اس پر آنے والے اسٹیشنوں میں داسر ہلی ، جالہلی ، پینیا، یشونت پور، مہالکشمی پورہ، راجہ جی نگر، کوئمپو روڈ، سمپیگے روڈ، کیمپے گوڈا میٹرو ریلوے اسٹیشن ( میجسٹک ) چک پیٹ، کے آر مارکیٹ ، لال باغ، ساؤتھ اینڈ سرکل ، جئے نگر، بنشنکری، جے پی نگر ، اور یلچن ہلی شامل ہیں۔ وزیراعلیٰ سدرامیا نے کل وزیر برائے ترقیات بنگلور کے جے جارج ، کے پی سی سی کارگذار صدر دنیش گنڈو راؤ اور دیگر کے ہمراہ میجسٹک ، کے آر مارکیٹ، آر وی روڈ اور دیگر اسٹیشنوں کا میٹرو ٹرین میں سفر کرکے معائنہ کیا۔ کل توقع ہے کہ میٹرو ٹرین کا افتتاح کرنے کے بعد صدر جمہوریہ بھی اہم شخصیات کے ساتھ اس ٹرین میں سفر کریں گے۔ 

ایک نظر اس پر بھی

زوردار بارش کے نتیجے میں مینگلور سے بنٹوال کو جوڑنے والا مُلار پٹنہ بریج ٹوٹ گیا؛ عوام نے ریت کی غیر قانونی کان کنی کو بتایا ذمہ دار

گذشتہ کئی دنوں سے جاری زوردار بارش کے نتیجے میں  مینگلور تعلقہ کو بنٹوال سے جوڑنے والا ایک بریج آج پیر کو بالاخر ٹوٹ گیا جس کے ساتھ ہی  دونوں علاقوں کا رابطہ منقطع ہوگیا ہے۔ یہ پل مُلار پٹنہ میں  فالگونی ندی پر سے گذرتا تھا۔

نریگا منصوبہ کے تحت مرکز سے 1050 کروڑ روپئے باقی بقایاجات کی ادائیگی کیلئے مرکزی حکومت سے اپیل کی گئی ہے : کرشنا بائرے گوڈا

روزگار ضمانت اسکیم کے تحت نریگامزدوروں کو مرکزی حکومت سے 1050 کروڑ روپئے ادا ہونے باقی ہیں ۔ جلد از جلد رقم جاری کرنے کیلئے مرکز سے مطالبہ کیا گیا ہے ۔ ریاستی وزیر دیہی ترقیات و پنچایت راج کرشنا بائرے گوڈا نے یہ بات بتائی ۔

بیرونی ریاستوں کے ادویات پر نگاہ رکھی جائے ڈرگس کنٹرول آفس کے دورہ کے دوران شیوا نند ایس پاٹل کی افسروں کو ہدایت

ریاستی وزیر صحت شیوانند ایس پاٹل نے جمعہ کے دن اچانک شہر کے ڈرگس کنٹرول کے دفتر کا دورہ کرکے وہاں موجود ایچ پی ایس سی لیابریٹری، اینٹی بائیوٹک، اسٹیریلٹی ٹسٹنگ سنٹر کا جائزہ لیا ۔ اس موقع پر انہوں نے بیرونی ریاستوں سے درآمد ہونے والی دوائیوں پر کڑی نظررکھنے اور میعاد ختم ...

حج بھون کو نام رکھنے کے سلسلہ میں ابھی فیصلہ نہیں ہوا:پرمیشور

حج بھون کو ٹیپو سلطان سے منسوب کرنے کے سلسلہ میں ابھی کوئی حتمی فیصلہ نہیں کیا گیا ہے ، یہ بات ریاستی نائب وزیر اعلیٰ ڈاکٹر جی پرمیشورنے کہی ۔ شہر میں اخباری نمائندوں سے گفتگو کرتے ہوئے انہوں نے کہا کہ ٹیپوسلطان کے سلسلہ میں بی جے پی کے قائدین پہلے بھی تنازعہ کھڑا کرچکے ہیں ،

ناراض سابق وزیر اعلیٰ کا اپنے قریبی ساتھیوں کے ساتھ اجلاس سدارامیا کو کابینہ درجہ کا عہدہ دینے مخلوط حکومت کافیصلہ

ریاستی اسمبلی انتخابات کے بعد کانگریس پارٹی اکثریت سے جیت درج نہیں کرپائی تو ریاست میں مخلوط حکومت تشکیل پائی ۔ سابق وزیر اعلیٰ سدارامیا پانسالہ انتہائی مشغول ترین ایام سے فراغت حاصل کرکے میسور،باگل کوٹ اور بادامی کا دورہ کرتے ہوئے تازہ دم ہونے کے لئے قدرتی جڑی بوٹیوں کا ...