صدر جمہوریہ نے ششی دھر پی پرساد کووایو سینا میڈل سے نوازا
نئی دہلی:14/ اگست (ایس او نیوز/آئی این ایس انڈیا)بھارتی فضائیہ (گروڑ)کے سارجنٹ ششی دھر پی پرساد کو آپریشن رکشک میں تعینات کیا گیا تھا۔ 10اکتوبر 2017 کو شام 4 بجے ایک مکان میں دہشت گردوں کے چھپے ہونے کی خفیہ اطلاع ملنے کے بعد گروڑ کی ٹیم اور فوج کے یونٹوں نے جموں و کشمیر کے باندی پورہ ضلعے میں رکھ ہاجن گاؤں کے بون محلے میں مشترکہ کارروائی شروع کی۔ گروڑ ٹیم کو مذکورہ مکان کے چاروں طرف قریب ترین محاصرے کی ذمہ داری سونپی گئی تھی تاکہ دہشت گردوں کے فرار کو روکا جا سکے۔ سارجنٹ ششی دھر نے صورتحال کے بارے میں پوری طرح بیداری اور محاصرے میں ٹیم ورک کا مظاہرہ کرتے ہوئے دہشت گردوں کے فرار ہونے کیامکانی راستے کو بند کر دیا۔ 11اکتوبر 2017 کو صبح 4بجکر 40 منٹ پر 6سے7 دہشت گرد فرار ہونے اور محاصرے کو توڑنے کے مقصد سے مکان سے اندھا دھند فائرنگ کرتے ہوئے باہر آئے۔ وہ گروڑ ٹیم کے ذریعے کئے گئے محاصرے کی جانب اندھا دھند دستی بم پھینک رہے تھے اور گولیاں برسا رہے تھے۔ دہشت گردوں کے فرار ہونے کے مقصد کو بھاپتے ہوئے سارجنٹ ششی دھر نے دہشت گردوں پر بہت مؤثر اور درست فائرنگ کرکے شاندار جرات مندی اور مہارت کا مظاہرہ کیا، جس کے نتیجے میں اے زمرے کے 2 دہشت گردمارے گئے۔ سارجنٹ ششی دھر نے اپنے تحفظ کو نظر انداز کرتے ہوئے شاندار ٹیم ورک کا مظاہرہ کیا اور اس لڑائی میں زخمی ہونے والے لوگوں کو تیزی کے ساتھ باہر نکالا۔بے مثال جرات مندی کے اس کارنامے پر سارجنٹ ششی دھر پی پرساد کو وایو سینا میڈل (بہادری)سے سرفراز کیاگیا۔