بھٹکل :19؍نومبر (ایس او نیوز)2019کو ملک میں منعقد ہونے والے لوک سبھا انتخابات کے پیش نظر ضلع و تعلقہ انتظامیہ کی جانب سے پیشگی تیاریاں شروع ہو چکی ہیں، اس سلسلے میں مختلف حلقوں کی ووٹنگ مشینوں، وی وی پیاٹ اور کنڑول یونٹس کی جانچ اور تیاری کے لئے الگ الگ ایام طئے کرتے ہوئے کام شروع کیا گیا ہے۔
لوک سبھا انتخابات کو دیکھتے ہوئے بھٹکل ہوناور ودھان سبھا حلقہ کی ووٹنگ مشینیں، وی وی پیاٹ، کنٹرول یونٹس وغیرہ کی جانچ وغیرہ آ ج پیر کو کاروار ڈپٹی کمشنر دفتر میں کی گئی، جانچ کا کام کل منگل کو بھی ہوگا۔ بتایا گیا ہے کہ اس کام کے لئے بھٹکل اور ہوناور تعلقہ جات کے 50سے زائد عملے کونامزد کیا گیا ہے۔