کنداپور میں حاملہ عورت کی آبروریزی اوروحشتناک قتل کے مجرم کوعدالت نے سنائی سزائے موت

Source: S.O. News Service | By I.G. Bhatkali | Published on 20th February 2018, 7:21 PM | ساحلی خبریں | ریاستی خبریں |

کنداپور20 فروری (ایس او نیوز) ایک حاملہ عورت کی آبر وریزی کرنے کے بعد اس خاتون اور اس کے پیٹ میں موجود پانچ سالہ حمل کا قتل کرنے کے الزام میں پرشانت موگویرا نامی مجرم کو ضلع سیشن کورٹ نے سزائے موت سنائی ہے۔

موصولہ رپورٹ کے مطابق عصمت دری اور قتل کی یہ وحشتناک واردات 11 اپریل 2015کو انجام دی گئی تھی۔پرشانت موگویرا پرعدالت میں جرم ثابت ہونے کے بعد جج نے جرم کی نوعیت کے اعتبار سے تعزیرات ہند کی مختلف دفعات کے تحت جو سزاسنائی ہے اس کی تفصیل یوں ہے۔

۱) عصمت دری کے لئے دفعہ 376کے تحت 10سال قید بامشقت اور 40ہزار روپے جرمانہ۔

۲) غیر قانونی طور پر گھر میں داخل ہونے کے لئے دفعہ448کے تحت ایک سال قید اور ایک ہزار روپے جرمانہ۔

۳)اغوا کرنے کی کوشش کے لئے دفعہ 451کے تحت4سال قید بامشقت اور 2ہزار روپے جرمانہ۔

۴)سونے کی چین لوٹنے کے لئے دفعہ 392کے تحت 10سال قید بامشقت اور 30ہزار روپے جرمانہ۔

۵) حاملہ خاتون کو اس کے پیٹ میں موجود حمل کے ساتھ قتل کرنے کے جرم میں دفعہ 302کے تحت سزائے موت اور 50ہزار روپے جرمانہ۔

ذرائع نے بتایا کہ پرشانت موگویرا نے 11اپریل 2015کومقتولہ اندرا کے گھر میں گھس کر پوجاکے لئے مختص کمرے میں دیوی کے سامنے رکھی ہوئی ڈبی توڑ کر اس میں سے نقدی چرالی۔ پھر باہر شیڈ میں موجود حاملہ اندرا کے ساتھ عصمت دری کی اور اس کے سرپر ایک بڑا پتھر گراکر قتل کی واردات انجام دی اور وہاں سے سیدھے ساحل سمندر کی طرف چل پڑا۔دوسرے دن دوپہر کو کنداپور پولیس نے پرشانت کو گرفتار کرلیا تھا۔ مقتولہ اندرا کے ساتھ مجرم نے جس وحشی پن اور غیر انسانی سلوک کا مظاہرہ کیاتھا وہ مقتولہ کے جسم پر موجود متعدد زخموں سے ظاہر ہورہاتھا اور عدالت میں یہی زخم جرم کا ایک بہت بڑا ثبوت بن کر سامنے آئے ۔ اس واردات کے تعلق سے 23 افراد نے گواہیاں درج کروائیں جس کے بعد ملزم پر جرم ثابت ہوگیا اور جج نے اسے کڑی سزا سنائی۔

اس کیس کوصحیح انجام تک لے جانے کے لئے سرکاری طور پر ایڈوکیٹ روی کرن مرڈیشور کو اسپیشل پراسیکیوٹر متعین کیا گیاتھا۔جس نے ایک پیسہ بھی معاوضہ لیے بغیر مقتولہ کے گھر والوں کو انصاف دلانے اور مجرم کوکیفر کردار تک پہنچانے کا کام کیا۔ مقتولہ کے اہل خانہ نے مجرم کو عدالت سے دی گئی اس کڑی سزا پر اطمینان کا اظہار کیا ہے۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔