عید پر پہنی ساڑی تو ٹرولنگ کا شکار ہو گئیں حاملہ سوہا علی خان
نئی دہلی،28جون(ایس او نیوز/آئی این ایس انڈیا)عید پر بہت سی شخصیات نے اپنے سوشل میڈیا اکاؤنٹ سے تصویر پوسٹ کی ہیں، لیکن اپنے شوہر کے ساتھ ساڑی پہن کر پوسٹ کی گئی ایک تصویر کے لئے سوہا علی خان کو ٹرولنگ کا شکار ہونا پڑ گیا ہے۔منگل کو سوہا علی خان نے اپنے اسٹاگرام پر ایک تصویر شیئر کی ہے۔اس تصویر میں سوہا، اپنے شوہر کنال کھیمو کے ساتھ گلابی رنگ کی ساڑی پہنے نظر آ رہی ہیں۔سوہا علی خان حاملہ ہیں اور سوہا نے اپنی تصویر کو پوسٹ کرتے ہوئے یہ نہیں بتایا ہے کہ وہ کس پروگرام کے لئے سجی ہوئی نظر آ رہی ہیں۔ایسے میں ان کے بہت سے فالورس نے مان لیا ہے کہ سوہا بنگالی بچے کا غسل کی رسم کے لئے تیار ہوئی ہیں، کیونکہ سوہا کی ماں شرمیلا ٹیگور بنگالی ہیں۔زیادہ تر شائقین نے سوہا اور ان کے شوہر کی اس تصویر کی کافی تعریف کی ہے اور ساڑی میں آراستہ سوہا کافی خوبصورت نظر آ رہی ہیں لیکن کچھ لوگوں نے سوہا کو ”عید کی مبارکباد“نہ دینے اور ساڑی پہننے کے سبب اصلی مسلم نہ ہونے جیسے تبصرہ کئے ہیں۔سوہا کو کئی لوگوں نے عید کی مبارکباد نہ دینے کے لئے سنایا ہے لیکن جہاں کئی لوگوں نے سوہا کو طنز مارا ہے، تو وہیں کئی لوگوں نے سوہا کے اپنی پسند کے کپڑے پہننے کے حق کی بھی بات کی ہے۔سوہا کی اس پوسٹ پر ابھی تک 50000سے زیادہ تبصرے آ چکے ہیں۔چند ماہ قبل فاطمہ داغ شیخ کو بھی ان کے لباس کے لئے ٹرول کیا گیا تھا۔فاطمہ ان دنوں مالٹا میں اپنی آنے والی فلم ”ٹھگ آف ہندوستان“کی شوٹنگ کررہی ہیں۔