بھوپال:4 /فروری (ایس اونیوز /آئی این ایس انڈیا) شیوراج سنگھ چوہان نے کہا ہے کہ بنگال میں ترنمول کانگریس کی وداعی طے ہے۔شیورج نے مزید بتایا کہ بنگال میں کیا ہو رہا ہے یہ اس بات کو واضح طور پر ظاہر ہوتا ہے کہ بنگال میں جمہوریت کس طرح خراب ہو رہی ہے اور آئین کی روح کو ختم کیا جا رہا ہے۔شیورج نے ممتا بنرجی پر مزید حملہ کرتے ہوئے کہا کہ بنگال کی وزیر اعلی نے بے مثال آئینی بحران پیدا کیا ہے۔شیوراج نے کہا کہ سی بی آئی اپنی مرضی سے شارداچٹ فنڈا سکیم کی تحقیقات نہیں کررہی ہے بلکہ معزز سپریم کورٹ کی ہدایات پر تحقیق کی جا رہی ہے۔
بی جے پی کے اشارے پر سی بی آئی کارروائی کے الزام کی مذمت کرتے ہوئے شیوراج نے کہا کہ یہ جانچ کوئی آج کی نہیں ہے بلکہ 2014سے پہلے کی ہے۔شیوراج سنگھ چوہان نے کہا کہ سپریم کورٹ نے اس بنیاد پر انکوائری کی ہدایت کی ہے جس میں سب سے پہلے ایس آئی ٹی کی تشکیل ہوئی تھی اور جس میں ایس آئی ٹی کے سربراہ نے ایک دستاویزدیا تھا اور اگر سی بی آئی ان ہدایات کے تحت ان سے سوال کرنا چاہتی ہے تو سی بی آئی کو کس بنیاد پر روکا جا رہا ہے؟۔
بنگال پولیس اور حکومت پر سوالات اٹھاتے ہوئے شیوراج نے کہا کہ اگر سی بی آئی افسران کو پوچھ گچھ نہیں کرنے دینے کے بجائے گرفتار کرلیا جائے، پولیس ا سٹیشن میں بیٹھادیاجائے تو یہ جمہوریت کے خلاف ہے۔شیوراج نے پوچھا کہ سی بی آئی کی تحقیقات کے بعدممتاکوکس سے پھنسنے کا ڈرہے؟ تحقیقات میں تعاون کیوں نہیں کیاجارہا ہے؟ ممتا حکومت کا قدم سپریم کورٹ کی توہین ہے اور ہندوستان کی مرکزی ساخت کو ختم کرنے کی کوشش ہے۔
شیوراج سنگھ چوہان نے کہا کہ بی جے پی کے رہنماؤں کے اجلاسوں کو بنگال میں بھارتی جنتا پارٹی کی بڑھتی ہوئی مقبولیت کے باعث روکا جا رہا ہے۔ہیلی کاپٹر کو زمین پراترنے کی اجازت نہیں دی جارہی ہے اور کارکنوں کو ہلاک کیا جا رہا ہے۔شیوراج نے کہا کہ مغربی بنگال میں اب ترنمول کا جاناطے ہے ۔