الہ آباد،21؍جنوری (ایس او نیوز؍آئی این ایس انڈیا)وشو ہندو پریشد (وی ایچ پی)کے بین الاقوامی ایگزیکٹو چیئرمین پروین توگڑیا کو لے کر وی ایچ پی میں پھوٹ نظر آ رہی ہے۔ تنظیم (فیصلے لینے والی وی ایچ پی کی سب سے طاقتورتنظیم)کے ایک اہم رکن نے کہا ہے کہ مودی حکومت اور راجستھان حکومت کی تنقید کرنے والے پروین توگڑیا کو جلد ہی ان کے عہدے سے ہٹا دیا جائے گا۔وی ایچ پی کے سینئر لیڈر اور رہنما منڈل کے اہم رکن سوامی چنیانند نے کہاکہ توگڑیا نے نظم و ضبط کے خلاف کیا ہے۔جلد ہی انہیں باہر کا راستہ دکھا دیا جائے گا۔وی ایچ پی میں توگڑیا اپنی جگہ کھو چکے ہیں۔اگر انہیں تنظیم سے باہر نکال دیا جاتا ہے تو وی ایچ پی کے کئی لوگ خوش ہوں گے۔انہوں نے کہاکہ توگڑیا کو اب وی ایچ پی میں برداشت نہیں کیا جائے گا۔رہنمائی منڈل کی عام رائے بھی تقریبا یہی ہے۔ابھی توگڑیا کو وی ایچ پی سے کوئی تعلق نہیں ہے۔حالانکہ الہ آباد میں منعقد سنت کانفرنس میں حصہ لینے آئے وی ایچ پی کے کچھ لیڈروں نے پروین توگڑیا کی حمایت بھی کی ہے۔وی ایچ پی کے سیکرٹری جنرل چپت رائے نے کہا کہ کون کہتا ہے کہ توگڑیا جی کو تنظیم سے باہر کر دیا گیا ہے۔وہ ہمیشہ ہمارے اور معاشرے کے عزیز رہیں گے۔مانا جا رہا ہے کہ پروین توگڑیا اور بھارتی مزدور یونین (بی ایم ایس ) کے سیکرٹری جنرل برجیش اپادھیائے کا مودی حکومت اور بی جے پی پر حملہ آور ہونا آر ایس ایس کو راس نہیں آیا ہے۔آر ایس ایس پروین توگڑیا اور برجیش اپادھیائے کو ان کے عہدوں سے ہٹانے کی تیاری میں مصروف ہے۔ساتھ ہی وی ایچ پی کے انٹرنیشنل صدر راگھو ریڈی بھی سنگھ کی لسٹ میں شامل ہیں۔