بھوپال20؍مئی ( ایس او نیوز؍آئی این ایس انڈیا )مرکزی وزیر داخلہ راج ناتھ سنگھ کے ہیلی کاپٹر کی لینڈنگ کرنے کے لیے ستنا کے مقامی انتظامیہ نے تقریباََ20دیہات کی بجلی 26گھنٹے کے لیے کاٹ دی۔ستنا میں اس وقت شدید گرمی پڑ رہی ہے اور وہاں زیادہ سے زیادہ درجہ حرارت42ڈگری سینٹی گریڈ ہے۔بجلی کاٹنے کی وجہ سے مقامی لوگوں میں زبردست ناراضگی ہے۔مدھیہ پردیش وسطی کے علاقے بجلی کی تقسیم کمپنی نے اخبارات میں اشتہارات جاری کرکے کہاکہ20مئی کو وزیر داخلہ راج ناتھ سنگھ کے کوٹھی شہر آمد پر ہیلی کاپٹر لینڈنگ کے لئے منتخب جگہ کے قریب سے گزر رہی 11 کیوی راجیو گاندھی فیڈر گلا اور 11کیوی پمپ فیڈر گلا میں 19 مئی شام چار بجے سے لے کر 20 مئی شام چھ بجے تک کے لئے بجلی کاٹی جا رہی ہے۔اس سے متعلق مقامات کے دیہی متاثر ہوں گے۔تاہم بجلی کمپنی نے اس کی وجہ سے ہونے والی تکلیف پر افسوس بھی ظاہر کیا گیا ہے۔حالانکہ مقامی لوگوں کے زبردست مخالفت کرنے کے بعد آج صبح تین بجے بجلی بحال کر دی گئی تھی۔ابھی وزیر داخلہ دوسرے راستے سے ستنا جائیں گے جہاں وہ ٹھاکر رنمت سنگھ کی مورتی کی نقاب کشائی کریں گے۔ٹھاکر رنمت سنگھ نے 1857 کی جنگ آزادی میں انگریزوں کے خلاف جنگ لڑی تھی۔بتا دیں کہ ستنا میں اس وقت بہت گرمی پڑ رہی ہے اور بجلی کاٹنے کے فیصلے کو لے کر دیہاتیوں میں زبردست ناراضگی ہے۔یہ پہلا موقع نہیں ہے جب کسی وی آئی پی کی وجہ سے عام لوگوں کو پریشان کیا گیا ہو۔فروری2016میں سریش پرمار نام کے ایک کسان نے الزام لگایا تھا کہ وزیر اعظم نریندر مودی کی ریلی کے لیے حکام نے اس کی پوری گیہو ں کہ فصل کٹوا دی تھی۔اس کی وجہ سے کسان کو بڑا نقصان اٹھانا پڑا تھا۔