ممبئی ،14؍اکتوبر(ایس او نیوزآئی این ایس انڈیا) شیوسینانے اپنے ترجمان ’’سامنا‘‘میں شائع اداریہ میں بی جے پی پرنشانہ لگایاہے ۔اس کے ساتھ ہی حکومت پرا س نے سنگین الزام بھی لگائے ہیں۔بلدیاتی ضمنی انتخابات جیتنے کے بعد بی جے پی کو نشانے پر لیتے ہوئے شیوسینا نے ہفتے کوکہاکہ اپوزیشن کی آواز کو دبانے کے لیے طاقت اور دولت کا استعمال کیا جا رہا ہے اوربدعنوان' طریقوں سے الیکشن جیتے جا رہے ہیں۔شیوسیناکے ترجمان ’’سامنا‘‘میں شائع اداریہ میں کہا گیا ہے کہ ملک میں ایسا ماحول بنایا جا رہا ہے جہاں سیاسی اپوزیشن کی آوازوں کو دبایا جا رہا ہے۔تمام ممکنہ بدعنوان طریقوں سے الیکشن جیتے جا رہے ہیں۔اس میں کہا گیا ہے کہ اپوزیشن کی آوازوں کو دبانے کے لئے طاقت اور دولت کا استعمال کیا جا رہا ہے۔اس قسم کا ماحول ملک، جمہوریت اور آزادی کے لیے خطرناک ہے۔ مہاراشٹر میں مرکز اور بی جے پی کی قیادت میں اتحادی حکومت میں شیو سینا ہے۔تاہم پارٹی نے بہت سے مسائل پر ناقابل اعتماد رویہ اپنایاہے۔