عالمی بینک نے مانا ہندوستان پر نوٹ بندی کا اثر، ترقی کی شرح 7فیصد رہے گی

Source: S.O. News Service | Published on 11th January 2017, 10:40 PM | عالمی خبریں |

نئی دہلی /نیویارک، 11جنوری(ایس او نیوز/آئی این ایس انڈیا)عالمی بینک نے نوٹ بندی کے بعد رواں مالی سال میں ہندوستان کی اقتصادی ترقی کی شرح کے بارے میں اپنے اندازے کو کم کر دیا ہے پر اس کے مطابق اب بھی یہ 7فیصد کی سطح پر رہے گی۔پہلے کا اندازہ 7.6فیصد تھا،ساتھ ہی عالمی بینک نے یہ بھی کہا ہے کہ آنے والے سالوں میں ملک کی ترقی اپنی تیز سطح پکڑ لے گی اور 7.6اور 7.8فیصد کی سطح کو ایک بار پھر حاصل کر لے گی۔عالمی بینک کی ایک تازہ رپورٹ میں کہا گیا ہے کہ بڑے قیمت کے نوٹوں کو فوری طور پر چلن سے ہٹانے کے حکومت کے نومبر کے فیصلے سے 2016میں اقتصادی ترقی سست پڑی ہے،تاہم رپورٹ میں کہا گیا ہے کہ سست پڑنے کے باوجود ہندوستان کی ترقی کی شرح مارچ 2017کو ختم ہونے جا رہے مالی سال میں اب بھی مضبوط 7فیصد تک رہے گی۔
عالمی بینک کے مطابق تیل کی قیمتوں میں کمی اور زرعی مصنوعات میں ٹھوس اضافہ سے نوٹ بندی چیلنجوں کے اثرات کافی حد تک کم ہو جائیں گے۔اس طرح ہندوستان چین سے آگے نکل کر سب سے زیادہ تیز اضافہ کر رہی معیشت بنایہوئی ہے۔
 

ایک نظر اس پر بھی

ایجنسیوں سے بہتر رپورٹیں تو میڈیا سے مل جائیں گی: سپریم کورٹ

سپریم کورٹ نے فیض آباد دھرنے سے متعلق خفیہ اداروں کی رپورٹوں پر عدم اطمینان کا اظہار کرتے نئی رپورٹیں جمع کرانے کی ہدایت کی ہے۔عدالتِ عظمیٰ کے جج قاضی فائز عیسٰی نے ریمارکس دیے ہیں کہ جب ریاست ختم ہو جائے گی تو قتل سڑکوں پر ہوں گے۔

نائیجیریا میں نمازیوں پر حملہ انتہائی قابلِ مذمت: ترجمان

امریکی محکمہ خارجہ نے منگل کو نائجیریا میں ریاستِ ادماوا میں موبی کے مقام پر ہونے والے دہشت گرد حملے کی مذمت کی ہے۔ترجمان ہیدر نوئرٹ نے کہا ہے کہ ’’اِس جانی نقصان پر ہم نائجیریا کے عوام اور متاثرہ خاندانوں سے دلی تعزیت کا اظہار کرتے ہیں‘‘۔

بنگلہ دیش میں جماعتِ اسلامی کے 6 رہنمائوں کو سزائے موت

 بنگلہ دیش میں ایک عدالت نے بدھ کو جماعتِ اسلامی کے 6 ارکان کو 1971 کی پاکستان کے خلاف جنگِ آزادی کے دوران جنگی جرائم کے مبینہ الزامات پر موت کی سزا سنادی۔ان افراد کو انٹرنیشنل کرائم ٹریبونل کے ایک تین رکنی پینل نے سزاسنائی ۔