روس کو سابق امریکی سفیر سے تفتیش کی اجازت نہیں دی جائے گی: پومپیو

Source: S.O. News Service | By Shahid Mukhtesar | Published on 21st July 2018, 12:26 PM | عالمی خبریں |

واشنگٹن21جولائی (ایس او نیوز؍ آئی این ایس انڈیا )امریکہ نے کہا ہے کہ وہ روس کو ماسکو کے لیے امریکہ کے سابق سفیر مائیکل مک فال سے پوچھ گچھ کی اجازت نہیں دے گا۔ مک فال روسی صدر ولادی میر پوٹن کے شدید ناقد ہیں۔

امریکی وزیر خارجہ مائک پومپیو نے جمعرات کے روز وائس آف امریکہ کو بتایا کہ مائک فال سے تفتیش اور تحقیقات کرنے کی اجازت نہیں دی جائے گی۔

ان کا کہنا تھا کہ ہیلسنکی میں صدر ٹرمپ اور پوٹن کی ملاقات میں روسی صدر نے کئی چیزوں سے متعلق ایک تجویز پیش کی تھی۔

انہوں نے بتایا کہ انکوائری کے حوالے سے صدر پوٹن نے اپنی تجاویز ، اور تبصرے صدر ٹرمپ کے ساتھ شیئر کیے۔

پومپیو کا کہنا تھا کہ صدر ٹرمپ بڑی واضح سوچ رکھتے ہیں اور یہ نہیں ہوگا کہ امریکی عہدے دار روس کے حوالے کیے جائی ں اور روسی عہدے دار ان سے پوچھ گچھ کریں ۔

روسی راہنما کی جانب سے یہ تجویز پیش کی گئی کہ امریکی خصوصی قونصل رابرٹ ملر کے تفتیش کار ماسکو جائیں اور روسی فوج کی خفیہ ایجنسی کے ان 12 عہدے داروں سے تحقیقات کریں جن پر 2016 کے امریکی انتخابات میں ڈیموکریٹک پارٹی کے کمپیوٹر ہیک کرنے اور انتخابات پر اثر انداز ہونے کا الزام ہے۔ اس کے بدلے میں روس مک فال، اور ایک امریکی نژاد برطانوی بزنس مین بل براڈر ، سے جنہوں نے انسانی حقوق کی خلاف ورزیوں کے حوالے سے روس پر پابندیوں کے لیے امریکی قانون سازی میں مدد کی تھی، پوچھ گچھ کی اجازت دی جائے۔

مک فال سن 2012 سے 2014 تک ماسکو میں امریکہ کے سفیر رہ چکے ہیں۔ انہوں نے اپنے ایک ٹویٹ میں کہا ہے کہ انہیں توقع ہے کہ وائٹ ہاؤس ریکارڈ کو درست رکھے گا اور پوٹن کی اس مضحکہ خیز درخواست کی مذمت کرے گا۔

امریکہ اور روس کے درمیان ملزمان کی سپرد گی کی کا کوئی معاہدہ نہیں ہے اور یہ توقع بھی نہیں ہے کہ روسی انٹیلی جنیس کے 12 افسروں کو تفتیش کے لیے امریکہ کے حوالے کیا جائے گا۔

دونوں ملکوں کے عہدے داروں سے پوچھ گچھ اور تفتیش کرنے سے متعلق اس گڑبڑ اور بوکھلاہٹ کی وجہ یہ ہے کہ صدر ٹرمپ نے کہا تھا کہ روسی صدر پوٹن نے انہیں یہ ناقابل یقین پیش کش کی تھی۔

جمعرات کے روز وائس آف امریکہ کے ساتھ اپنے انٹرویو میں وزیر خارجہ پومپیو نے دو ٹوک الفاظ میں کہا کہ ایسی کسی تفتیش کی اجازت نہیں دی جائے گی۔

ایک نظر اس پر بھی

پاکستان جب تک دہشت گردی کے خلاف مؤثرکاروائی نہیں کرتا، ایئر اسٹرائک جیسے قدم اٹھاتے رہیں گے: وزارت دفاع

وزارت دفاع نے دو ٹوک کہا ہے کہ جب تک پاکستان دہشت گرد گروپوں کے خلاف قابل اعتماد کارروائی نہیں کرتا، تب تک ہندوستان اپنی قومی سلامتی کو یقینی بنانے کے لئے سخت اقدامات اٹھاتا رہے گا۔

2008 ممبئی حملے کا ماسٹر مائنڈ حافظ سعید گرفتار

  ممبئی دہشت گردانہ  حملے کے ماسٹرمائنڈ اور تنظیم جماعت الدعوۃ (جےیوڈی) کے چیف حافظ سعید کو Counter Terrorism Department (سی ٹی ڈی) نے پاکستان کے پنجاب  سے بدھ کو گرفتار کر لیا۔افسروں نے بتایا کہ سعید سی ٹی ڈی میں پیش ہونے کے لئے لاہور سے گجرانوالا آیا تھا، تبھی اس کو گرفتار کر لیا گیا۔ اس کے ...

پاکستانی جیل میں قید سابق ہندوستانی افسر کلبھوشن پر بین الاقوامی عدالت کا فیصلہ آج

پاکستان کی جیل میں بند ہندوستانی بحریہ کے سابق فوجی افسر کلبھوشن جادھو کے معاملے میں بدھ کو ہیگ واقع بین الاقوامی عدالت (آئی سی جے) اپنا فیصلہ سنائے گی۔ ’دی ہیگ‘ کے پیس پیلس میں 17 جولائی کو ہندوستانی وقت کے مطابق شام ساڑھے چھ بجے کھلی سماعت ہوگی جس کے بعد چیف جسٹس عبدالقوی ...

سری لنکا چرچ بم بلاسٹ میں ڈرگ مافیاکا ہاتھ ہے۔ صدر سیری سینا کا بیان

انگریزی اخبار دی نیو انڈین ایکسپریس میں شائع ایک رپورٹ کے مطابق سری لنکا کے صدر مائتھری پالا سیری سینا نے کہا ہے کہ عیسائی تہوار ایسٹر کے موقع پر چرچ کے اندر جو ہولناک بم دھماکے ہوئے تھے اس کے پیچھے بین الاقوامی ڈرگ مافیاکاہاتھ ہے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...