کرناٹکا میں فرقہ پرستی کی سیاست نہیں چلے گی : روشن بیگ

Source: S.O. News Service | By Shahid Mukhtesar | Published on 7th December 2017, 10:56 AM | ریاستی خبریں |

بنگلورو،6؍ دسمبر (ایس او نیوز؍عبدالحلیم منصور) وزیر برائے شہری ترقیات و حج آر روشن بیگ آج بتایا ہے کہ کرناٹک میں فرقہ وارانہ ہم آہنگی کاماحول ہے اور یہاں فرقہ پرستوں کی کوئی چال کامیاب نہیں ہوگی۔ شیواجی نگر وارڈ کے بنڈی مٹ میں اندرا کیانٹین کا افتتاح کرنے کے بعد اخباری نمائندوں سے گفتگو کرتے ہوئے انہوں نے بتایا کہ کرناٹکا کی سرزمین سکیولرزم کی علمبردار ہے۔ یہاں اگر بی جے پی کے ذریعہ مذہبی رہنماؤں کو ٹکٹ دیا گیا تو بھی وہ کامیاب نہیں ہوں گے اور کرناٹک میں فرقہ پرستی کی سیاست ہرگز نہیں چلے گی۔ سدارامیا قیادت والی کانگریس حکومت کے ذریعہ جاری عوام پرور منصوبوں کے نتیجہ میں دوبارہ کرناٹکا میں کانگریس برسر قتدار آئیگی۔ جناب روشن بیگ نے مزید بتایا کہ سدارامیا چاہتے ہیں کہ ریاست میں کوئی فرد بھوکا نہ رہے، اسی مقصد کے تحت بنگلورو شہر میں اندرا کیانٹین کا قیام عمل میں آیا ہے، جہاں پر پانچ روپئے میں ناشتہ اور دس روپئے میں کھانا فراہم کیا جاتا ہے۔ انہوں نے بتایا کہ اب اس منصوبہ کو ریاست بھر میں وسعت دینے کا منصوبہ تیار کیاگیا ہے، جس کے تحت 50 ہزار تا ایک لاکھ کی آبادی والے علاقوں میں بھی اندرا کیانٹین قائم ہوں گے۔ محکمہ شہری ترقیات کے تحت آنے والے دس کارپوریشنوں کی حدود میں بھی اندرا کیانٹین قائم کرنے کیلئے اقدامات کئے جارہے ہیں، جس کے تحت منگلورو، کلبرگی، میسور، ٹمکور وغیرہ کارپوریشنوں کی حدود میں تقریباً دس اندرا کیانٹین قائم ہوں گے۔ ریاستی حکومت کے ذریعہ تعلیم، صحت عامہ اور دیگر شعبوں پر خصوصی توجہ مرکوز کی گئی ہے تاکہ عوام کو اس کا فائدہ پہنچے۔ ریاستی حکومت کے عوام پرور منصوبہ ہی کانگریس کو دوبارہ اقتدار دلائیں گے۔ اس موقع پر جناب روشن بیگ نے بی بی یم پی افسران کے ہمراہ کارپوریشن اسکول کا بھی معائنہ کیا، اور یہاں کے تعلیمی معیار کو بلند کرنے کے احکامات جاری کئے اور افسران کو تاکید کی کہ حلقہ میں پاکی صفائی پر خصوصی توجہ دی جائے اور گندگی پھیلانے والوں کے خلاف سخت کارروائی کی جائے۔ اس موقع پر سماجی کارکن و کانگریس لیڈر اشتیاق احمد، بلاک کانگریس صدور کرشنے گوڈا، راجیندرا، جواں سال قائد رومان بیگ، اقبال قریشی، زواتھارٹی کی سابق چیرپرسن ریحانہ بانو کے علاوہ دیگر موجود تھے۔

ایک نظر اس پر بھی

زرعی قرضوں کی معافی کے ضوابط میں ترمیم جلد: بینڈپا قاسم پور

ریاستی وزیر کوآپریشن بینڈپا قاسم پور نے کہا ہے کہ ریاست میں کسانوں کے قرضوں کی معافی کے متعلق طے کردہ ضوابط میں ترمیم لائی جائے گی اور ایک لاکھ روپیوں تک کا قرضہ ایک خاندان کے ایک ہی فرد کو معاف کرنے کی پابندی ہٹادی جائے گی۔

کرناٹکا میں سیلاب اور بارش سے مچی تباہ کاریوں کی رپورٹ پیش کرنے وزیراعظم مودی نے دی ہدایت؛ سیلاب متاثرین سے کی اظہار ہمدردی

ریاست میں سیلاب اور بارش کی صورتحال سے متاثر کورگ ، ہاسن ، چکمگلور اور ساحلی کرناٹک کے مختلف علاقوں میں مچی تباہی جانی ومالی نقصان اور دیگر تمام تفصیلات یکجا کرکے رپورٹ پیش کرنے وزیراعظم نریندر مودی نے کرناٹک کے اراکین پارلیمان کو ہدایت دی ہے۔

بے تحاشہ ترقیاتی منصوبے کورگ اور کیرلا کی تباہی کا سبب، تعمیرات کا سلسلہ نہ روکا گیا تو دس سال میں دس گنا بڑی مصیبت آنے کا ظاہر کیا گیا خدشہ

کرناٹک اور کیرلا میں طوفانی بارش اور سیلاب سے ہوئی تباہی کے اسباب کا جائزہ لینے کے بعد نیشنل ڈیزاسٹر مینجمنٹ اتھارٹی نے کہا ہے کہ ملک کے پہاڑی علاقوں میں بے روک تعمیرات اور ماحولیاتی طور پر حساس علاقوں کے ماحول کو مکدر کرنے کی مسلسل کوششیں اس تباہی کی اہم وجہ ہے۔

سیلاب متاثرین کی طرف بسکٹ پھینکنے پر وزیر تعمیرات عامہ ایچ ڈی ریونا تنازعے میں گھرگئے؛ کئی حلقوں میں شدید ناراضگی

ریاستی وزیر برائے تعمیرات عامہ ایچ ڈی ریونا کی طرف سے کورگ اور رامناتھ پورہ کے سیلاب زدگان کی راحت کاری مہم کے دوران متاثرین کی طرف بسکٹ پھینکے جانے کا معاملہ تنازعے کا سبب بنا ہوا ہے۔