بھٹکل اسمبلی حلقے میں سیاسی موقف کے تعلق سے کینرا مسلم خلیج کاونسل کے صدر عبدالقادر باشاہ صاحب کی وضاحت

Source: S.O. News Service | By I.G. Bhatkali | Published on 1st April 2018, 9:26 PM | ساحلی خبریں | خلیجی خبریں |

بھٹکل یکم اپریل (ایس او نیوز)بھٹکل حلقہ اسمبلی کے امیدوار کے بارے میں کینرا مسلم خلیج کاونسل کے اجلاس میں فیصلے کے تعلق سے کاونسل کے ذمہ داران سے براہ راست ٹیلی فون پر رابطے کے بعد جو رپورٹ ساحل آن لائن نے شائع کی تھی اس ضمن میں مختلف پہلوؤں سے عوام میں بحث اور گفتگو چل پڑی ہے اور ا س کا سیدھا مطلب یہ لیا گیا ہے کہ ہمارے صد سالہ قدیم مرکزی ادارے مجلس اصلاح و تنظیم اور اس کے سیاسی پینل کو نظر انداز کرتے ہوئے کینرا مسلم خلیج کاونسل نے اپنے طور پرفیصلہ کیا ہے اور اس سے ہماری اجتماعیت کو دھچکا لگا ہے۔

اس پس منظر میں کینرا مسلم خلیج کاونسل کے صدر جناب عبدالقادر باشاہ رکن الدین صاحب نے وضاحت پیش کرتے ہوئے کہا ہے کہ’’ کینرا مسلم خلیج کاونسل کے مذکورہ اجلاس میں بہت سارے دیگر اہم ایجنڈوں کے ساتھ ایک ایجنڈہ’سال روں 2018تنظیم کے امیدوار کو کامیاب بنانے کے لئے کینرا کاونسل کی ممبر جماعتوں کی طرف سے اجتماعی کوشش ‘بھی تھا جس پر گفتگو کرتے ہوئے اجلاس میں شریک تمام جماعتوں نے اس بات کی نشاندہی کی کہ کرناٹکا میں کانگریس اور سدارامیا کی لیڈرشپ میں جو سیکیولرازم کی فضا بنی ہوئی ہے اس کی وجہ سے اس وقت کانگریس پارٹی کا ساتھ دینابہتر ہے۔ اس سلسلے میں گلف کی بعض بھٹکلی    جماعتوں کی طرف سے تحریری طور پر تنظیم کو مطلع کیے جانے کی بات بھی سامنے آئی۔ لہٰذا طے پایا کہ کینرا مسلم خلیج کاونسل کی جانب سے تحریری طور پرتنظیم سے گزارش کی جائے کہ اس کے ذمہ داران کانگریس کی اعلیٰ لیڈرشپ سے اپنی حکمت عملی کے ساتھ گفت وشنید کریں اور ہمارے مطالبات ان کے سامنے رکھتے ہوئے انہیں پورا کرنے کی یقین دہانی کے ساتھ سیکیولر امیدوار کی تائید کا یقین دلائیں اورفسطائی طاقت کو ابھرنے سے روکیں۔ اور اس کے بعد کینرا کی تمام جماعتیں متحد ہوکرکانگریسی امیدوار کو جتانے کے لئے کام کریں۔‘‘

صدر موصوف نے مزید واضح کیا کہ’’کینرا مسلم خلیج  کاونسل کے دستور کے مطابق تنظیم ان کے لئے مقدم ہے اور اس کو نظر انداز کرنا اور اس کے اختیارات کے برخلاف فیصلے کرنا ان کا مقصد نہیں ہے۔ صرف درپیش سیاسی حالات اورمختلف مقامات سے دستیاب رجحان کے پس منظرمیں تنظیم کے سامنے تجویز پیش کی گئی ہے۔ جو بھی حتمی فیصلہ ہوگا وہ تنظیم کے ٹیبل پر ہی لیا جائے گااور سب کے لئے قابل قبول ہوگا۔‘‘

ایک نظر اس پر بھی

اترکنڑا ضلع میں مزید بارش کے امکانات کے پیش نظر ریڈ الرٹ جاری :بھٹکل میں ریکارڈ 140ملی میٹر بارش

ضلع کے ساحلی  پٹی کے مقامات پر رات دن  مسلسل برستی بارش کے نتیجےمیں عوامی زندگی بہت بری طرح متاثر ہوئی۔ پیر کی صبح سے شروع ہوئی بارش شام تک لگاتار برستی رہی ۔ ان حالات میں محکمہ موسمیات کی طرف سے ’ریڈ الرٹ ‘ جاری کرتے ہوئے  علاقہ میں مزید بارش برسنے کا امکان بتایا ہے۔ محکمہ ...

منگلورو میں ڈینگی سے ٹی وی جرنلسٹ ہلاک 

بی ٹی کے لئے ویڈیو جرنلسٹ کے طور خدمات انجام دینے والے ناگیش پاڈوکی موت کے ساتھ منگلورو میں ڈینگی بخار سے ہونے والی ہلاکتوں میں ایک او ر اضافہ ہواہے۔خیال رہے کہ اس سے قبل ڈینگی بخار میں مبتلا تین افراد کی موت واقع ہوچکی ہے۔

بھٹکل کے علما و ذمہ داران کی دعاوں سے دبئی کے قریبی شہر عجمان میں کھلاڑیوں کے ملبوسات کے شوروم کا خوبصورت افتتاح

قریبی شہر عجمان میں بھٹکل کے نوجوان  عبدالباسط صوبیدار  کے  اسپورٹس وئیر کے شوروم کا گذشتہ روز خوبصورت افتتاح بھٹکل کے علماء و ذمہ داران کی دعاوں کے ساتھ کیا گیا ۔ شوروم میں  اسپورٹس کے کپڑوں کے ساتھ ساتھ   بچوں  کے کپڑوں سمیت خواتین کی اعلیٰ کوالٹی اور خوبصورت ڈیزائن کی ...

بھٹکل اور اطراف کے عوام توجہ دیں: دبئی اور امارات میں حادثات کے بڑھتے واقعات؛ ہندوستانی قونصل خانہ نے جاری کی سفری انشورنس کی ایڈوائزری

دبئی سمیت متحدہ عرب امارات کے مختلف شہروں اور قصبوں  میں  مختلف حادثات میں شدید  طور پر زخمی ہوکر اسپتالوں میں ایڈمٹ ہونے کی  تعداد میں  اضافہ کو دیکھتے ہوئے  اور اسپتالوں  میں اُن کا کوئی پرسان حال نہ ہونے  کے واقعات کا مشاہدہ کرنے کے بعد  ہندوستانی سفارت خانہ کی طرف سے  عرب ...

دُبئی میں 18 برس سے کم عمر بچوں کی ویزہ مفت؛ 15 جولائی سے 15 ستمبر تک رہے گی سہولیت

 متحدہ عرب امارات میں سیاحتی سیزن کے دوران غیر مُلکی سیاحوں کے 18 برس سے کم عمر بچوں کے لیے مفت ویزے کی سہولت فراہم کی جا رہی ہے۔ یہ اعلان فیڈرل اتھارٹی فار آئیڈینٹٹی اینڈ سٹیزن شپ کی جانب سے کیا گیا ہے۔ دُبئی میں ہر سال سیاحتی سیزن کا آغاز 15 جولائی سے ہوتا ہے جو 15 ستمبر تک جاری ...

بحرین میں بھٹکل مسلم جماعت بحرین کی خوبصورت عید ملن تقریب ؛ اناس افریقہ کو بیسٹ اسٹوڈینٹ کا ایوارڈ؛ قران حفظ کرنے پر اسعدمصباح کو بھی ملا خصوصی اعزاز

بھٹکل مسلم جماعت بحرین کا عید ملن پروگرام بروز جمعرات  13جون کو منعقد ہوا، جس میں  بچوں کے پروگرام بالخصوص نظمیں، کوئیز، کھیل مقابلے نہایت دلچسپ رہے، عید ملن تقریب میں تعلیمی ایوارڈ سمیت بچوں کی ہمت آفزائی  کے لئے  بعض خصوصی انعامات  سے بھی نواز گیا جبکہ   آخر میں ریفل ...

جون 13 کو ہوگا بھٹکل مسلم جماعت بحرین کا عید ملن پروگرام؛ ممبران سے شرکت کی درخواست

بھٹکل مسلم جماعت بحرین کی عید ملن تقریب انشاء اللہ 13 جون کو مناما کے    ویندھم گرینڈ ہوٹل (Wyndham Grand Hotel, Manama)  میں  منعقد کی گئی ہے جس میں  دلچسپ اور تفریحی پروگرام پیش کئے جائیں گے۔ اس بات کی اطلاع جماعت کے جنرل سکریٹری مولوی اظہرالدین آرمار نے دی ہے۔