گنیش تہوارکیلئے پولیس نے کوئی پابندی نہیں لگائی: ڈی جی پی

Source: S.O. News Service | By Jafar Sadique Nooruddin | Published on 12th August 2017, 11:44 PM | ریاستی خبریں |

بنگلورو:12/ اگست(ایس او نیوز) ریاستی پولیس کے ڈائرکٹر جنرل آر کے دتہ نے بعض ہندو تنظیموں کے ان الزامات کو بے بنیاد قرار دیا کہ ریاستی پولیس کی طرف سے گنیش تہوار کے اہتمام پر بندشیں عائد کی گئی ہیں۔ آج اس سلسلے میں اخباری نمائندوں سے بات چیت کرتے ہوئے ڈی جی پی نے بتایاکہ ریاست کے مختلف شہروں میں گنیش تہوار کے دوران حفاظتی بندوبست کی ذمہ داری متعلقہ پولیس کمشنروں کو سونپی گئی ہے، جبکہ اضلاع میں یہ ذمہ پولیس سپرنٹنڈنٹوں کے سپرد رہے گا۔ انہوں نے کہاکہ مقامی تنظیموں ، اداروں اور انجمنوں کی سہولت کے حساب سے گنیش تہوار کے متعلق یہی افسران فیصلہ لیں گے۔اس تہوار کے اہتمام پر کسی طرح کی بندش عائد کرتے ہوئے ریاستی پولیس ہیڈکوارٹر سے کوئی حکم جاری نہیں ہوا ہے۔ انہوں نے کہاکہ گنیش تہوار کے اہتمام کیلئے پولیس کی طرف سے عموماً جو ضوابط وضع کئے گئے ہیں اس بار بھی صرف انہی کی پابندی کی جائے گی۔ انہوں نے کہاکہ تہوار سے قبل دیگر برادران وطن کے ساتھ امن کمیٹی میٹنگ کا اہتمام لازمی قرار دیا گیا ہے۔جہاں بھی گنیش جلوس نکالا جائے گا وہاں منتظمین کو امن برقرار رکھنے کیلئے اپنی طرف سے رضاکار متعین کرنے ہوں گے۔ ڈی جی پی نے بتایاکہ یوم آزادی کے موقع پر بھی حفاظتی انتظامات پر خصوصی توجہ دی گئی ہے اور ریاست بھر میں پولیس فورس کو مستعد رکھا گیا ہے۔ ریاستی حکومت کی طرف سے پولیس افسران کے تبادلوں کو معمول کے مطابق عمل قرار دیتے ہوئے ڈی جی پی نے واضح کیا کہ پولیس کے روز مرہ کے کام کاج میں ریاستی حکومت کی طرف سے کسی بھی طرح کی مداخلت نہیں کی جارہی ہے۔

ایک نظر اس پر بھی

چکمنگلور میں پٹرول ٹینکر اُلٹ گئی؛ دو زندہ جل کر ہلاک؛ کئی مکانوں میں آگ؛ سو میٹر تک آگ کے شعلے؛ مرنے والوں کی تعداد زائد ہونے کا خدشہ

ریاست کرناٹک کے ضلع چکمنگلور کے کڈور تعلقہ کے گریا پور میں ہائی وے پر ایک پٹرول ٹینکر اُلٹ جانے کے نتیجے میں سو میٹر سے زائد رقبہ تک آگ پھیلنے کے ساتھ ساتھ  کم ازکم دو لوگوں کے ہلاک ہونے کی اطلاع ملی ہے ۔

ریاستی کانگریس لیڈروں کو نصیحت کرنے راہل گاندھی سے درخواست بہتر انتظامیہ کو یقینی بنانے دونوں پارٹیوں کے درمیان تال میل ضروری: ایچ ڈی کمار سوامی

ریاستی وزیراعلیٰ ایچ ڈی کمار سوامی نے آج دہلی میں کانگریس صدر راہل گاندھی سے ملاقات کر کے ریاست کی سیاسی صورتحال سے متعلق تبادلہ خیال کیا۔ ا س ملاقات کے دوران راہل گاندھی نے کمار سوامی کو مشورہ دیا کہ کرناٹک میں کانگریس جے ڈی ایس مخلوط حکومت کا یہ ابتدائی دور ہے۔

کسانوں کا قرضہ معاف کرنے مرکزی حکومت سے تعاون کی اپیل 85لاکھ سے زائد کسان مشکلات کا شکار ہیں ، مصیبت کی گھڑی میں ہاتھ تھامنا مرکزی و ریاستی حکومت کاکام ہے: کمار سوامی

قرض کی دلدل میں پھنسے ہوئے کسانوں کو اوپر لانے کی خاطر کئے جارہے قرضہ معاف اسکیم کو مرکزی حکومت 50فی صد امداد فراہم کرے ، اس خیال کااظہار ریاستی وزیر اعلیٰ کمار سوامی نے کیا۔

ٹریفک پر قابو پانے کیلئے دو فلائی اوور کی تعمیر عنقریب

سڑکوں کی بدحالی کے سبب شہر میں ٹریفک جام کا مسئلہ پیش آیا ہے جسے دور کرنے کیلئے تارکول کے بجائے کانکریٹ کی سڑکیں بچھائی گئی ہیں ۔ اولڈ مدراس روڈ کو اولڈ ایرپورٹ روڈ سے جوڑنے والے 2.6کلومیٹر طویل سرنجن داس روڈ پر کانکریٹ کی سڑک تعمیر کی گئی ہے ۔

ملک بھر میں لاری مالکان کی ہڑتال شروع اشیائے ضروری کی سربراہی متاثر ہونے کا امکان

ڈیزل کی قیمتوں میں اضافہ، تھرڈ پارٹی انشورنس پریمیم کی فیس میں اضافے کے خلاف کرناٹک سمیت ملک بھر میں لاری مالکان کی غیر معینہ مدت ہڑتال آج سے شروع ہوچکی ہے۔ اس ہڑتال میں کل سے مزید شدت لائی جائے گی۔