پولیس، سیکورٹی فورسز کی گاڑیوں کو لال، نیلی اور سفید بتی لگانے کی اجازت
نئی دہلی، 7/مئی (ایس او نیوز/آئی این ایس انڈیا)مرکز نے قانون وانتظام کی صورت حال کو برقرار رکھنے کے لیے ڈیوٹی پر تعینات پولیس، سیکورٹی اور نیم سیکورٹی دستے سمیت ایمرجنسی گاڑیوں کو لال، نیلے اور سفید رنگ کی بتی کے استعمال کرنے کی منظوری دے دی ہے۔وی آئی پی کلچر ختم کرنے کے لیے مرکزی کابینہ نے گزشتہ ماہ یہ فیصلہ کیا تھا کہ یکم مئی سے ایمبولینس اور فائر بریگیڈ جیسی ایمرجنسی گاڑیوں کے علاوہ تمام گاڑیوں پر سے بتی ہٹائی جائیں گی۔سڑک ٹرانسپورٹ اور ہائی وے کی وزارت نے ایک نوٹیفکیشن میں کہاکہ مرکزی حکومت یہ واضح کرنا چاہتی ہے کہ ڈیوٹی پر تعینات گاڑی جیسے ایمرجنسی اور ڈیزاسٹر مینجمنٹ کے لیے مقرر گاڑیوں کولال، نیلی اور سفید بتیوں کو استعمال کرنے کی اجازت دی جا سکتی ہے۔ایسی گاڑیوں کے بارے میں تفصیل سے بتاتے ہوئے نوٹیفکیشن میں کہا گیا ہے کہ اس میں قانون وانتظام کی صورت حال کو برقرار رکھنے کے لیے آگ پر قابو پانا اور پولیس، سیکورٹی فورسز یا نیم فوجی فورسز جیسے کام شامل ہیں۔اس میں زلزلے، سیلاب، لینڈسلائڈنگ، چکرواتی طوفان، سونامی اور انسان آفات جیسے کہ ایٹمی بحران، کیمیائی آفت اور نامیاتی آفت سمیت قدرتی آفات کے انتظام شامل کاموں میں بھی ایسی بتیوں کا استعمال کیا جا سکتا ہے۔