سینٹرل سروسز میں آر ایس ایس کی پسند کے افسران کو بھرتی کرنے کامنصوبہ:راہل گاندھی
نئی دہلی22مئی(ایس او نیوز؍آئی این ایس انڈیا) کانگریس صدر راہل گاندھی نے نریندر مودی کی جم کر تنقید کی ہے ۔ انہوں نے کہا کہ مودی میرٹ لسٹ سے چھیڑ چھاڑ کرکے سینٹر سروسز میں آر ایس ایس کی پسند کے افسران کو بھرتی کرنا چاہتے ہیں۔ انہوں نے اپنے ٹوئٹر کے اکاؤنٹ پر ایک خط پوسٹ کرتے ہوئے لکھا ہے کہ’’ طلباء بیدا رہوجائیں ،آپ کا مستقبل خطرے میں ہے،آر ایس ایس وہی چاہتا ہے، جوآپ کا حق ہے‘‘۔ٹویٹ کے ساتھ راہل گاندھی نے ہیش ٹیگ کے طور پر #ByeByeUPSC بھی لکھا ہے۔ واضح ہو کہ راہل گاندھی کا یہ ٹوئٹ وزیر اعظم کے دفتر (PMO) کی جانب سے 17 مئی کو یونین پبلک سروس کمیشن (UPSC) ایک خط کے بعد آیا ہے۔ اس خط میں PMO نے یو پی ایس سی کو فاؤنڈیشن کورس کے نمبروں کی بنیاد پر منتخب درخواست دہندگان کو کیڈر دینے کا مشورہ دیا ہے۔