بہرائچ، 23/فروری(ایس او نیوز/آئی این ایس انڈیا) وزیر اعظم نریندر مودی نے بہرائچ میں اکھلیش یادو پر نشانہ لگاتے ہوئے کہا کہ آپ مودی اور بی جے پی پر حملہ کرو تو سمجھ سکتا ہوں، لیکن اب آپ گدھے پر حملہ کر رہے ہیں؟ گدی سے بھی ڈر لگنے لگے ہو کیا؟ وزیر اعظم نے کہا کہ میں فخریہ گدھے سے سبق لیتاہوں اور ملک کے لئے گدھے کی طرح کام کرتا ہوں، سوا سو کروڑ دیش کی عوام میرے مالک ہیں، گدھا وفادار ہوتا ہے اسے جو کام دیا جاتا ہے وہ پورا کرتا ہے۔وزیر اعظم نے کہا میں حیران ہوں کہ آپ کی نسل پرست ذہنیت سے کہ جانوروں میں بھی اونچ نیچ کے تاثرات دیکھنے لگ گئے، گدھا آپ کو اتنا برا لگنے لگا، گدھا بھی ہمیں ترغیب دیتا ہے،وہ ہمیشہ اپنے مالک کا وفادار ہوتا ہے اور ذمہ داریوں کو ادا کرتا ہے، جن کے گلے لگ کر آپ ووٹ مانگ رہے ہو اسی یو پی اے حکومت نے 2013 میں گجرات کے گدھے کو پوسٹل اسٹیپ نکالا تھا۔ اکھلیش آپ جہاں کے گدھے کی بات کر رہے ہو، وہ وہی جگہ ہے جہاں گاندھی، سردار پٹیل نے جنم لیا، کرشن نے اسے اپنی میدان عمل بنائی۔
غور طلب ہے کہ اکھلیش یادو نے رائے بریلی میں ہوئی ایک ریلی میں سپر اسٹار امیتابھ بچن سے اپیل کرتے ہوئے کہا تھا کہ ہم صدی کے سپر اسٹار سے گزارش کرتے ہیں کہ وہ گجرات کے گدھے کی تشہیر کرنا بند کریں۔انہوں نے مزید کہا کہ اگر گدھے کی تشہیر ہونے لگے گی تو کس طرح چلے گا۔ گجرات کے لوگ تو وہاں کے گدھے کا بھی اعلان کروا رہے ہیں، گدھے کا بھی کہیں تشہیر کرایا جاتا ہے۔ بتا دیں کہ امیتابھ بچن گجرات سیاحت کے برانڈ سفیر ہیں اور اسی سلسلے میں اکھلیش یادو یہ سب کچھ کہہ گئے۔ دراصل وہ پی ایم مودی کی اتوار کو کہی گئی اس بات پر جوابی کر رہے تھے جب انہوں نے ایس پی پر یوپی میں مذہب کے نام پر تفریق کرنے کا الزام لگایا تھا۔ اکھلیش نے کہا تھا کہ گجرات والے ٹی وی پر گدھے کی تشہیر کرتے ہیں اور یوپی میں آکر شمشان اور قبرستان کی بات کرتے ہیں۔