نئی دہلی،15 ؍فروری (ایس او نیوز؍آئی این ایس انڈیا) پلوامہ حملے پر جھانسی کی ریلی میں وزیر اعظم نریندر مودی نے کہا کہ سیکورٹی فورسز کو سارے فیصلے لینے کے لئے اجازت دے گئی ہے۔ملک اس واقعہ کے بعد ماتم میں ہے۔پلوامہ حملے کے سازش کرنے والوں کو ان کی سزا مل کررہے گی۔دہشت گرد تنظیموں اور ان کے آقاؤں نے جو حیوانیت دکھائی ہے، اس کا پورا حساب کیا جائے گا ہمارا پڑوسی ملک اس وقت اقتصادی بدحالی سے گزر رہا ہے۔بڑے بڑے ملک اس سے دور کررہے ہیں۔

پی ایم مودی نے کہا کہ آپ سب کے جذبات کو میں سمجھ سکتا ہوں۔ہمارے جوانوں نے ملک کے دفاع میں اپنی جان قربان کی ہے۔ان کی یہ قربانی ضائع نہیں ہوگی۔ہمارے پڑوسی ملک کو یہ لگتا ہے کہ وہ ایسی تباہی مچا کر ہندوستان کو بدحال کر سکتا ہے، تو وہ ایسا خواب دیکھنا چھوڑ دے۔اس یہ منصوبے کبھی پورے نہیں ہونے والے ہیں۔130 کروڑ ہندوستانی اس طرح کی ہر سازش اور ایسے ہر حملے کا منہ توڑ جواب دیں گے۔پی ایم مودی نے کہا کہ پاکستان اقتصادی بدحالی کے برے دور سے گزر رہا ہے۔وہ دنیا میں اتنا الگ تھلگ ہو چکا ہے کہ بڑے بڑے ملک اس سے کنارہ کشی اختیار کر چکے ہیں۔اس کے لیے روزمرہ کا گزارا کرنا مشکل ہو رہا ہے۔وہ آج کٹورا لے کر گزر رہا ہے۔بدحالی کے اس دور میں وہ ہندوستان پر حملہ کر رہا ہے۔اس سوچ کے ساتھ وہ ہمیں ہلادیں گے۔ میں پاکستان میں بیٹھے لیڈروں کو کہنا چاہتا ہوں کہ ان کے یہ منصوبے پورے نہیں ہو پائیں گے۔آپ نے اپنی بدحالی دیکھی ہے، ہندوستان ترقی کے راستے پر چل رہا ہے۔ ہندوستان کی 130 کروڑ عوام اس حملے کا مل کر منہ توڑ جواب دے گی۔گنہگاروں کو سزا مل رہے گی۔ہم مقابلہ کرنا جانتے ہیں۔