احمد آباد ،12؍دسمبر (ایس او نیوز؍آئی این ایس انڈیا)گجرات اسمبلی انتخابی مہم کے آخری دن پریس کانفرنس کرکے کانگریس صدر راہل گاندھی نے ایک بار پھر پی ایم مودی کو نشانے پر لیا ہے۔انہوں نے صاف کہا کہ مودی جی پر منی شنکر ایر کا تبصرہ بالکل غلط تھا آخر وہ ہمارے وزیر اعظم ہیں۔لیکن پی ایم مودی نے جو ڈاکٹر منموہن سنگھ کے بارے میں کہا کہ ٹھیک نہیں ہے وہ بھی ہمارے سابق وزیر اعظم ہیں۔کانگریس کے نو منتخب صدر راہل گاندھی نے آج کہا کہ پاکستانی سفارت کاروں کے ساتھ ضیافت میں ملاقات کو لے کر اس کے پیشرو وزیر اعظم منموہن سنگھ کے خلاف نریندر مودی کا تبصرہ ناقابل قبول ہے۔راہل نے کہاکہ مودی جی نے سابق وزیر اعظم منموہن سنگھ کے بارے میں جو کچھ کہا ہے، وہ ناقابل قبول ہے۔انہوں نے کہاکہ وزیر اعظم مودی جی نے بدعنوانی کے بارے میں ایک بھی لفظ نہیں کہا ہے۔وہ (امت شاہ کے بیٹے) جی شاہ اور رافیل سودے کے بارے میں خاموش ہیں۔غور طلب ہے کہ وزیر اعظم مودی نے ایک انتخابی ریلی میں کہا تھا کہ منموہن سنگھ گجرات انتخابات میں فتح کے لئے پاکستان کے ساتھ ساز باز کر رہے ہیں۔اس پر سابق وزیر اعظم منموہن سنگھ نے کہا تھا کہ مودی خطرناک روایت پیدا کر رہے ہیں اور انہوں نے ان سے اس سلسلے میں قوم سے معافی مانگنے کا مطالبہ کیا تھا۔