وزیراعظم نے دولت مشترکہ کھیلوں میں میڈل جیتنے والے کھلاڑیوں کو مبارکباد دی 

Source: S.O. News Service | By Shahid Mukhtesar | Published on 9th April 2018, 11:24 AM | ملکی خبریں | اسپورٹس |

نئی دہلی8اپریل (ایس او نیوز؍ آئی این ایس انڈیا ) وزیر اعظم جناب نریندرمودی نے دولت مشترکہ کھیلوں میں میڈل جیتنے والے کھلاڑیوں کومبارک باددی ہے۔ویٹ لفٹنگ مقابلے میں میڈل جیتنے والے کھلاڑیوں کو مبارکباد دیتے ہوئے وزیراعظم نے کہاہے کہ ہمیں رگالا وینکٹ راہل کے گولڈ میڈل جیتنے پر فخر ہے۔ مجھے یقین ہے کہ ہمارے ویٹ لفٹر کی غیرمعمولی کامیابیاں مزیدنوجوانوں میں ویٹ لفٹنگ کے تئیں دلچسپی پیدا کریں گی۔خواتین کے 69 کلوگرام کے ویٹ لفٹنگ مقابلے میں گولڈ میڈل جیتنے والی کھلاڑی پونم یادو کو مبارک باد دیتے ہوئے وزیراعظم نے کہا کہ ویٹ لفٹنگ میں پونم یادو کا شوق اور سچی لگن قابل تحسین ہیں۔ نشانے بازوں کو مبارکباد دیتے ہوئے وزیراعظم نے کہا کہ ہمارے نشانے باز 2018 کے دولت مشترکہ کھیلوں کے نشانے بازی کے مقابلوں میں مخصوص حیثیت حاصل کر رہے ہیں۔ منو بھاسکر کی غیرمعمولی پیش رفت مسلسل جاری ہے اور انہوں نے خواتین کے 10 میٹر کے ایئر پسٹل مقابلے میں گولڈ میڈل جیت کر ملک و قوم کو سرخرو کیا ہے میں انہیں مبارکباد دیتا ہوں۔خواتین کے 10 میٹر کے ایئر پسٹل مقابلے میں حنا سدھو کے گولڈ میڈل جیتنے پر اظہارِ مسرت کرتے ہوئے وزیراعظم نے حنا سدھو کو مبارکباد اور ان کی مستقبل کی کوششوں کے لیے نیک خواہشات پیش کیں۔یاد رہے کہ ہونہار اور باصلاحیت نشانے باز روی کمار نے مردوں کے دس میٹر کے ایئر رائفلز نشانے بازی کے مقابلے میں برونز میڈل جیتا ہے۔ وزیراعظم نے روی کمار کی اس کامیابی پر اظہار مسرت کرتے ہوئے کہا کہ روی کمار کی اس کامیابی پر ہر ہندوستانی کو فخر ہے۔ اس جواں سال نشانے باز نے کھیل کود کے شعبے کی زبردست خدمت کی ہے۔

ایک نظر اس پر بھی

پٹرول اور ڈیزل کی قیمتوں میں اضافہ بدستور جاری

آئل مارکیٹنگ کمپنیوں نے پٹرول اور ڈیزل کی قیمتوں میں آج چھٹے دن مسلسل اضافہ جاری رہا۔ملک کے چار اہم شہروں میں دہلی، کولکاتا، ممبئی اور چنئی میں پٹرول، 10سے 12 پیسے بڑھ کرفی لیٹر اور ڈیزل 9 سے 10 پیسے فی لیٹرتک مہنگا ہوا۔ قومی راجدھانی دہلی میں پیٹرول 12 پیسے بڑھ کر 82.16 روپے فی لیٹر ...

خلیل احمد ہوئے ٹیم انڈیا میں شامل، کیا ظہیرخان کی کمی پوری کرے گا یہ تیز بائولر ؟

راجستھان کے ٹونک ضلع کے 20 سال کے لیفٹ آرم اسپنرخلیل احمد نے ایشیا کپ 2018 میں ہانگ کانگ کے خلاف میچ کے ساتھ ہی ٹیم انڈیا کی طرف سے ڈیبیوکیا ہے۔ انہیں روہت شرما نے کیپ سونپی۔ اس ٹورنامنٹ میں مستقل کپتان وراٹ کوہلی کوآرام دیا گیا ہے، لہٰذا روہت شرما 16 رکنی ٹیم کی کمان سنبھال رہے ...

درونہ چاریہ ایوارڈ کے لئے وجے شرما اورتارک سنہا کے نام کی سفارش

ہندوستانی خاتون ویٹ لفٹرمیر ابائی چانو کے کوچ وجے شرما اور تجربہ کار کرکٹ کوچ تارک سنہا کا نام درونہ چاریہ ایوارڈ کے لئے بھیجا گیا ہے۔ ان دونوں کے علاوہ پانچ مزید لوگوں کے نام بھی اس ایوارڈ کے لئے سلیکشن کمیٹی کو بھیجے گئے ہیں۔

بی سی سی آئی نے اے سی سی سے کہا، براڈکاسٹر انتخاب کا فیصلہ نہیں کر سکتے

ہندوستانی کپتان وراٹ کوہلی کی ایشیا کپ میں غیر موجودگی کو لے کر بی سی سی آئی اور ایشیا کرکٹ کونسل (اے سی سی) میں تصادم کی صورتحال کھڑی ہو گئی ہے کیونکہ براڈکاسٹر اسٹار نے اس فیصلے پر ناراضگی کا اظہار کیا ہے۔

ہندوستان کو شکست دینے کے لئے بہترین کھیل کا مظاہرہ کرنا ہوگا: سرفراز احمد

ہانگ کانگ کے خلاف یکطرفہ جیت سے پاکستان نے ایشیا کپ میں شاندار آغاز کیا ہے لیکن ٹیم کے کپتان سرفراز احمد نے کہا کہ ان کی ٹیم کو اگر ایشیا کپ میں حریف ٹیم ہندوستان کو ہرانا ہے تو اسے بہتر کھیل کا نمونہ پیش کرنا ہوگا۔

تھکاوٹ کے بعد چین اوپن کا خطاب جیتنے اتریں گے سندھو اور سری کانت

ہندوستانی عظیم بیڈمنٹن کھلاڑی پی وی سندھو کواگر بین الاقوامی سرکٹ میں اپنی مسلسل اچھی کارکردگی کو جاری رکھنا ہے اور منگل سے یہاں شروع ہو رہے چین اوپن کے خطاب کو دوبارہ جیتنا ہے تو تھکاوٹ پر قابو پانے کا طریقہ ڈھونڈناہوگا۔