مودی نے بھارت۔چین سرحد کے قریب ہرشل میں منائی فوجیوں کے ساتھ دیوالی

Source: S.O. News Service | By Shahid Mukhtesar | Published on 7th November 2018, 11:33 PM | ملکی خبریں |

اُترکاشی7نومبر ( ایس او نیوز؍آئی این ایس انڈیا ) وزیر اعظم نریندر مودی فوج اور بھارت تبت سرحدی پولیس فورس کے اہلکاروں کے ساتھ دیوالی منانے کے لئے بدھ کو اتراکھنڈ میں، بھارت۔چین سرحد کے قریب واقع ہرشل پہنچے۔

پی ایم دفتر کی جانب سے جاری ایک بیان کے مطابق، اس موقع پر جوانوں کو مبارکباد دیتے ہوئے وزیراعظم نے کہا کہ دور دراز کے علاقوں میں برفانی پہاڑوں پر ڈیوٹی کرنے کی ان کی لگن ان کی توانائی او ر جوش کواور مضبوط بناتی ہے اور 125 کروڑ ہندوستانیوں کے خواب اور مستقبل کو محفوظ کرتی ہے۔ انہوں نے کہا کہ دیوالی روشنی کا جشن ہے،  اچھائی کی روشنی اس سے پھیلتی ہے اور خوف کو ختم کرتی ہے۔ انہوں نے کہا کہ جوان اپنے وعدوں اور نظم و ضبط سے لوگوں میں سلامتی کا احساس پیدا کرنے میں مدد کرتے ہیں۔

وزیر اعظم نے یاد کیا کہ وہ دیوالی پر اس کے بعد سے فوجیوں سے ملنے آ رہے ہیں جب وہ گجرات کے وزیر اعلی تھے۔ انہوں نے آئی ٹی بی پی کے جوانوں کے ساتھ ایک سال پہلے ہوئی بات چیت کا بھی ذکر کیا جب وہ کیلاش مان سروور کا دورہ کیا تھا۔ مودی نے کہا کہ دفاعی شعبہ میں بھارت اچھی پیش رفت کر رہا ہے۔ وزیر اعظم نے جوانوں کو مٹھائی بھی تقسیم کی۔انہوں نے دیوالی کے موقع پر انہیں مبارک باد دینے کے لئے جمع ہوئے آس پاس کے علاقے سے آئے لوگوں سے بھی بات کی۔ ہرشل ایک چھاؤنی علاقہ ہے جو اترکاشی ضلع میں بھارت۔چین سرحد کے قریب 7 ہزار فٹ سے زیادہ بلندی پر واقع ہے۔ اس کے بعد وزیر اعظم کیدارناتھ جاکر پوجا کریں گے ۔ کیدارناتھ کے قریب واقع کیدار پوری میں 2013 میں ہولناک سیلاب کا دکھ جھیلا ہے جس میں ہزاروں لوگ مارے گئے تھے۔ 

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔