نئی دہلی،21اکتوبر(ایس او نیوز؍آئی این ایس انڈیا) وزیر اعظم نریندر مودی نے اتوار کو اعلان کیا کہ آفت کے دوران ریلیف اور ریسکیو آپریشن میں بہترین کام کرنے والے پولیس اہلکار کو نیتا جی سبھاش چندر بوس کے نام پر ایک سالانہ قومی ایوارڈ دیا جائے گا۔21 اکتوبر 1943 کو سبھاش چندر بوس کی طرف سے ہندوستان کی پہلی آزاد حکومت ’آزاد ہند حکومت‘ کے قیام کے اعلان کے 75 سال پورے ہونے کے موقع پر مودی نے یہ اعلان کیا۔انہوں نے کہا کہ ہر سال نیتا جی کی سالگرہ 23 جنوری کو اس ایوارڈ کا اعلان کیا جائے گا۔مودی نے کہاکہ اس سال سے ہم ایسے پولیس اہلکار کو نیتا جی سبھاش چندر بوس کے نام پر ایک ایوارڈ دیں گے جو کسی آفت کے دوران لوگوں کو راحت پہنچانے اور حفاظت کرنے کے لیے کام کرتے ہیں۔