کاروار: کائیگا پلانٹ توسیعی منصوبہ۔ عوامی احتجاج کے درمیان افسران نے منعقد کیا عوامی اجلاس

Source: S.O. News Service | By I.G. Bhatkali | Published on 16th December 2018, 8:57 PM | ساحلی خبریں | ریاستی خبریں |

کاروار 16؍دسمبر (ایس او نیوز) کائیگا جوہری توانائی اسٹیشن میں مزید دو یونٹس کا اضافہ کرنے کے منصوبے پر عوامی رائے جاننے کے لئے سرکاری افسران نے کائیگا ٹاؤن شپ میں اجلاس منعقد کیا جبکہ ٹاؤن شپ سے باہر موجودہ اور سابق اراکین اسمبلی کی قیادت میں سیکڑوں افراد نے توسیعی منصوبے کے خلاف احتجاجی مظاہرہ کیا۔

حکومت ہند کے منصوبے کے مطابق کائیگا میں موجود چار یونٹس میں مزید دو کا اضافہ  کیا جائے گا جس میں ہر ایک یونٹ میں 700میگا واٹ بجلی پیدا کرنے کی صلاحیت رہے گی۔ اس اضافی منصوبے کی لاگت کا تخمینہ21ہزار کروڑروپے لگایا گیا ہے۔کرناٹکا اسٹیٹ پولیوشن کنٹرول بورڈ(کے ایس پی سی بی) کی طرف سے اس پاور اسٹیشن کے اطراف میں بسنے والے افراد کی رائے جاننے کے لئے میٹنگ منعقد کی گئی تھی جس میں ضلع ڈپٹی کمشنرایس ایس نکول، کے ایس سی بی کے سنیئر ماحولیاتی آفیسر راج شیکھر پورانک اور وجئے ہیگڈے وغیرہ نے عوام کی زبانی ان کا احوال جاننے کی کوشش کی۔

اس موقع پر ماحولیات کے تعلق سے تشویش رکھنے والے ماہرین نے میٹنگ کے دوران اس پروجیکٹ کے منفی اثرات اجاگر کرتے ہوئے مزید یونٹس قائم کرنے کی مخالفت درج کی۔ اور میٹنگ کے مقام سے دور سابق ایم ایل اے آنند اسنوٹیکراور ستیش سائیل کی قیادت میں احتجاجی مظاہرہ بھی کیا گیا۔معلوم ہوا ہے کہ موجودہ رکن اسمبلی روپالی نائک بھی اس منصوبے کی مخالفت میں عوام کے ساتھ کھڑی تھیں۔لیکن روپالی نائک کا کہنا تھا کہ جہاں میٹنگ منعقد ہورہی ہے وہاں چل کر مظاہرہ کرنا چاہیے جس کے لئے اسنوٹیکر اور ستیش سائیل کے حامیوں نے انکار کردیا۔ اس بات پر دونوں گروہوں میں زبانی جھڑپ ہوئی ، مگر پولیس نے مداخلت کرتے ہوئے صورتحال قابو میں کرلی۔

کائیگا اٹامک پاور اسٹیشن کے سائنسدان سبرامنیا نے اس پروجیکٹ کی تفصیلات بتاتے ہوئے کہا کہ اطراف میں بسنے والے عوام کے لئے تمام تحفظاتی اقدامات کیے گئے ہیں۔جبکہ ماحولیاتی تحفظ کے لئے سرگرم رہنے والے اننت ہیگڈے نے اس منصوبے کی مخالفت کرتے ہوئے کہا کہ کائیگا میں جو چار یونٹس پہلے سے چل رہے ہیں ان سے ہونے والی تابکاری (radiation)کے منفی اثرات یہاں کے عوام پر ہونے لگے ہیں، جس میں مختلف بیماریوں کے ساتھ کینسر کے معاملات میں بھی اضافہ شامل ہے۔اس کے علاوہ کائیگا پاور اسٹیشن مغربی گھاٹ کے اس علاقے میں آتا ہے ، جو ماحولیاتی نقطۂ نظر سے بہت ہی زیادہ حساس ہے۔لہٰذا انہوں نے اس پروجیکٹ کو انسانوں اور قدرتی ماحول کو نقصان دہ قراردیتے ہوئے حکومت کو اس سے باز آنے کے لئے کہا۔

بحری زندگی کے ماہر(مرین بایولوجسٹ) وی وی نائک نے بتایاکہ کائیگا پاوراسٹیشن کالی ندی کے کناروں پر واقع ہے۔اور اس ندی پر اوپر کی جانب بہت سے ڈیم باندھے گئے ہیں۔ اگر بالفرض اس میں سے کسی ایک ڈیم کو بھی نقصان پہنچتا ہے تو پھر فوکوشیما میں جوتباہ کن صورتحال پیدا ہوئی تھی بالکل وہی بات یہاں بھی ہوسکتی ہے۔اس لئے توانائی پیداکرنے کے لئے جوہری ذریعے کے بجائے دوسرے ذرائع کا استعمال کیا جانا چاہیے جس میں شمسی توانائی ہے جو بالکل ہی غیر مضرت رساں ہوتی ہے۔ادیب ناگیش ہیگڈے نے کہا کہ دنیا بھر میں 138نیوکلیئر ری ایکٹرس بند کردئے گئے ہیں اور اب ان کو کس طرح ٹھکانے لگایا جائے اس کا کوئی حل دنیا کے پاس نہیں ہے۔ 
تقریباً 22سائنس اور ماحولیات کے ماہرین اور دیگر افراد نے نئے یونٹس تعمیر کرنے کے خلاف اپنے خیالات کا اظہار کیا جبکہ 16افراد نے اس پروجیکٹ کی حمایت میں تحریری بیان درج کروایا۔

ایک نظر اس پر بھی

انکولہ میں ڈاکٹر انجلی نے بی جے پی پر کیا طنز : مجھے بیرون ضلع کی کہنے والوں کو میرے حلقے میں آنا ہی ہوگا 

انکولہ کے ناڈ ور ہال میں منعقدہ انتخابی تیاریوں کے جائزاتی اجلاس سے خطاب کرتے ہوئے اتر کنڑا حلقے کی امیدوار ڈاکٹر انجلی نمبالکر نے بی جے پی کو آڑے ہاتھوں لیتے ہوئے کہا مجھے اتر کنڑا ضلع سے باہر کی امیدوار بتانے والی بے جے پی کو بھی میرے حلقے میں آنا ہی ہوگا ۔ انہیں شائد پتہ نہیں ...

کمٹہ میں ڈی کے شیوکمار نے کہا : دھرم کسی کی جائداد نہیں ہے ۔ بھگوان کو سیاست میں استعمال کرنا ناقابل معافی ہے

پارلیمانی انتخاب کی تیاریوں کے سلسلے میں کمٹہ میں منعقدہ  جائزاتی اجلاس سے خطاب کرتے ہوئے کے پی سی سی صدر اور نائب وزیر اعلیٰ ڈی کے شیوا کمار نے کہا کہ ہمارا یقین یہ ہے کہ دھرم چاہے جو بھی اس کا نظریہ ایک ہی ہے ، نام چاہے سیکڑوں ہوں ، مگر بھگوان ایک ہی ہے اور پوجا جیسی بھی ہو، ...

بھٹکل شمس الدین سرکل کے قریب بس اور آٹو رکشہ کی ٹکر؛ آٹو ڈرائیور شدید زخمی

  قلب شہر شمس الدین سرکل کے قریب  پرائیویٹ بس اور آٹو کی ٹکر میں آٹو ڈرائیور شدید زخمی ہوگیا جسے   بھٹکل سرکاری اسپتال میں ضروری طبی امداد فراہم کرنے کے بعد زائد علاج کے لئے کنداپور  لے جایا گیا ہے۔ زخمی ڈرائیور کی شناخت جامعہ آباد روڈ، ماسٹر کالونی کے رہائشی  محمد سُہیل ...

بھٹکل میں انجلی نمبالکر نے کہا؛ آنے والےانتخابات بی جے پی اور کانگریس کے درمیان نہیں ، امیروں اور غریبوں کے درمیان اور انصاف اور ناانصافی کے درمیان مقابلہ

  آنے والے لوک سبھا انتخابات میں اصل مقابلہ  بی جے پی اور کانگریس کے درمیان  نہیں ہوگا بلکہ  اڈانی اور امبانی جیسے  سرمایہ داروں  کو تعاون فراہم کرنے والوں اور غریبوں کو انصاف دلانے والوں کے درمیان ہوگا، صاف صاف کہیں تو یہ سرمایہ داروں اور غریبوں کے درمیان  مقابلہ ہے۔ یہ بات ...

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔