لکھنؤ،10؍ مارچ(ایس او نیوز؍آئی این ایس انڈیا)گورکھپور اور پھولپور لوک سبھا سیٹ پر کل 11مارچ کو ہونے والے ضمنی انتخابات کو پُر امن طریقے سے کرائے جانے کے لئے سخت سیکورٹی انتظامات کیے گئے ہیں۔انتخابات کے لئے ریاست کو 65کمپنی مرکزی مسلح پولیس فورس (سی اے پی ایف) بھی مختص کی گئی ہے۔اس کے علاوہ پولیس، پی اے سی اور ہوم گارڈ کے جوانوں کی تعیناتی کی جا رہی ہے۔پولیس ڈائریکٹر جنرل کے دفتر سے حاصل معلومات کے مطابق گورکھپور علاقے میں کل پانچ اسمبلی سیٹیں ہیں، جہاں 970پولنگ مراکز اور 2141 ووٹنگ مقام پر انتخابات کرایا جانا ہے۔اسی طرح لوک سبھا حلقہ پھولپور میں الہ آباد ضلع کی کل پانچ اسمبلی سیٹیں ہیں، جہاں 793 پولنگ مراکز اور 2059متدووٹنگ مقام پر انتخابات کرایا جانا ہے۔پھولپور لوک سبھا حلقہ میں آنے والی الہ آباد مغربی اسمبلی سیٹ کے 45پولنگ بوتھ اور 95 متدووٹنگ مقام کوشامبی ضلع میں آتے ہیں۔الہ آباد ضلع کو 30 کمپنی اور ایک پلاٹون، کوشامبی ضلع کو ایک کمپنی اور دو پلاٹون اور گورکھپور ضلع کو 33 کمپنی سی اے پی ایف مختص کی گئی ہے۔قانون ونظام کی ڈیوٹی کے لئے الہ آباد کو 2کمپنی، کوشامبی کو 1پلاٹون اور گورکھپور ضلع کو 2 کمپنی پی اے سی مختص کی گئی ہے۔ریاستی پولیس فورس کی دستیابی الہ آباد اور گورکھپور زون کے اضلاع سے کرائی گئی ہے۔پولیس ڈائریکٹر جنرل کے دفتر سے حاصل معلومات کے مطابق ضمنی انتخابات پُر امن کرانے کے لئے الہ آباد ضلع کو 660 سب انسپکٹر، 277 ہیڈ کانسٹیبل، 3997 کانسٹیبل اور 4702 ہوم گارڈ دستیاب ہوں گے۔کوشامبی ضلع کو 43 سب انسپکٹر، 34 ہیڈ کانسٹیبل، 217 کانسٹیبل اور 322 ہوم گارڈ مہیا کرائے گئے ہیں۔گورکھپور ضلع کو 43انسپکٹر، 845 سب انسپکٹر، 308ہیڈ کانسٹیبل، 4469 کانسٹیبل اور 5065 ہوم گارڈ مختص کئے گئے ہیں۔دونوں لوک سبھا علاقوں کے ضمنی انتخاب کے لئے تینوں اضلاع کو کل 43انسپکٹر، 1548 سب انسپکٹر، 619 ہیڈ کانسٹیبل، 8683 کانسٹیبل اور 10089 ہوم گارڈ کے جوانوں کی ڈیوٹی لگائی گئی ہے۔