کنداپور23؍جون (ایس او نیوز) ککنجے کراس پر ایک پٹرول ٹینکر بے قابو ہونے اور سڑک کنارے واقع گھر کے آنگن میں گھس پڑنے کا واقعہ پیش آیا ہے۔اطلاع کے مطابق پٹرول سے بھرا ہوا ٹینکر منگلورو سے شیموگہ کی طرف جارہاتھاکہ ہالاڈی کے پاس اچانک ڈرائیور اس پر قابو کھو بیٹھا اور سڑک کنارے پرموجودسبریا اچار نامی شخص کے کمپاؤنڈ کو توڑتا ہوا آنگن میں آکر رک گیا۔
کہاجاتا ہے کہ چونکہ ٹینکر کی رفتار بہت کم تھی اس لئے تھوڑی سی مقدار میں پٹرول بہنے کے باوجودبڑاحادثہ ٹل گیا۔ ٹرک ڈرائیور مہیش کو معمولی خراشیں آئیں۔ فائر بریگیڈ کے عملے نے جائے واردات پر پہنچ کر ٹینکر کوبحفاظت واپس سڑک پر لانے میں کامیابی حاصل کی۔