پٹرول پمپ پر جلد ملیں گے ایل ای ڈی بلب، ٹیوب لائٹ اور پنکھے

Source: S.O. News Service | Published on 19th May 2017, 8:59 PM | ملکی خبریں |

نئی دہلی،19مئی(ایس او نیوز/آئی این ایس انڈیا) ملک بھر میں اب صارفین کو بجلی کی کم کھپت کرنے والے ایل ای ڈی بلب، ٹیوب لائٹ اور چھت کے پنکھے جلدی پٹرول پمپ پر کم قیمت پر ملیں گے۔صارفین ایل ای ڈی بلب 65 روپے میں، ٹیوب لائٹ 230 روپے میں اور پنکھا 1150 روپے میں خرید سکیں گے، جو اس وقت مارکیٹ میں ایل ای ڈی بلب 90 سے 100 روپے میں ٹیوب لائٹ 600 سے 700 روپے میں اور پنکھا 1700 سے 1800 روپے میں فروخت ہو رہا ہے۔بجلی کے ان آلات کو توانائی ایفشنسی سروسز لمیٹڈ (ای ای ایس ایل) تین سرکاری تیل کمپنیوں ہندوستان پٹرولیم، انڈین آئل اور بھارت پٹرولیم کو دے گی۔ ان تینوں تیل کمپنیوں کا ای ایس ایس ایل کے ساتھ مفاہمت کی یادداشت (ایم او یو) پر جمعرات کو دستخط ہونے تھے پر مرکزی جنگلات و ماحولیات کے وزیر انل مادھودیو کے انتقال کی وجہ سے یہ پروگرام ملتوی کر دیا گیا، اب جلدی اس ایم او یو پر دستخط ہو جائیں گے اور شاید ایک ماہ میں یہ آلات پٹرول پمپ پر بکنے شروع ہو جائیں گے۔ ان تینوں کمپنیوں کے ملک بھر میں 53000 پٹرول پمپ ہیں۔
 

ایک نظر اس پر بھی

کشمیر میں موبائل انٹرنیٹ سروس معطل

ترال میں سیکورٹی فورسز کے ساتھ تصادم میں سبزار احمد بھٹ کے مارے جانے کے پیش نظر احتیاطی طور پر آج وادی کشمیرمیں موبائل انٹرنیٹ سروس معطل کر دی گئی۔

پانڈیچری کے وزیراعلیٰ کا مویشیوں کی فروخت پرپابندی سے متعلق نوٹیفیکشن واپس لینے کامطالبہ؛ حکومت کوکھانے پینے کی پسندپربندشیں مسلط کرنے کاکوئی حق نہیں

پانڈیچیری کے وزیراعلیٰ وی نارائن سامی نے ذبح کے لئے مویشیوں کی فروخت پرپابندی لگانے کے نوٹیفکیشن جاری کرنے پرمرکزی حکومت کوآڑے ہاتھوں لیتے ہوئے کہا کہ حکومت کو لوگوں کے کھانے پینے کی پسندپربندشیں مسلط کرنے کاکوئی حق نہیں ہے۔

کیا ذبیحہ کے لئے جانور فروخت کرنے پرمرکزی سرکار کی پابندی کارگر ہوگی؟!

ذبیحہ کے لئے جانوروں کی فراہمی جانوروں کی مارکیٹ اور میلوں سے ہوا کرتی ہے۔ مختلف شہروں میں کسان ایسی مارکیٹوں اور جانوروں کے میلے میں اپنے جانورفروخت کرتے ہیں اور یہاں سے قصائی خانوں کی ضرورت پوری ہوتی ہے۔