مودی حکومت کی مار، مہاراشٹر میں پٹرول 90 کے پار

Source: S.O. News Service | By Shahid Mukhtesar | Published on 11th September 2018, 11:14 AM | ملکی خبریں | ان خبروں کو پڑھنا مت بھولئے |

ممبئی،11؍ستمبر(ایس او نیوز؍ایجنسی) پٹرول اور ڈیزل کی قیمتوں میں اضافہ مستقل جاری ہے اور آج کے اضافہ کے بعد پٹرول کی قیمت مہاراشٹر میں 90 روپے فی لیٹر کو پار کر گئی ہے اور اب وہاں ایک لیٹر پٹرول90.05 روپے کا مل رہا ہے جو ملک میں سب سے زیادہ ہے۔ ممبئی میں یہ قیمت14 پیسے بڑھ کر 88.26 روپے ہو گئی ہے جبکہ دہلی میں پٹرول کی قیمت 80.87 روپے ہے۔ ادھر ڈیزل کی قیمتوں میں بھی15 پیسے کا اضافہ ہوا ہے۔ ڈیزل کی قیمت ممبئی میں77.47 روپے فی لیٹر ہے جبکہ دہلی میں72.97 روپے فی لیٹر ہے۔

واضح رہے کے بیچ اگست سے پٹرول کی قیمتوں میں 3.79 روپے فی لیٹر اور ڈیزل کی قیمتوں میں4.21 روپے فی لیٹر اضافہ ہو چکا ہے اور عالمی منڈی کے حالات کو دیکھا جائے تو اضافے کا یہ سلسلہ ابھی جاری رہے گا۔

ادھر پٹرول اور ڈیزل کی بڑھتی قیمتوں کے خلاف کانگریس اور حزب اختلاف کی دیگر سیاسی پارٹیاں حکومت کے خلاف سڑکوں پر اتری ہوئی ہیں اور یہ حکومت کے لئے اس لئے بھی پریشانی کا سبب ہے کیونکہ چند ماہ بعد بی جے پی کی قیادت والی کئی اہم ریاستوں میں انتخابات ہونے ہیں اور ان کے چند ماہ بعد عام انتخابات ہونے ہیں۔ حکومت کے پاس قیمتیں کم کرنے کا واحد حل یہ ہے کہ وہ ایکسائز ڈیوٹی کم کر دے مگر حکومت کے رویہ سے نہیں لگتا کہ وہ ایسا کچھ کرے گی۔

عالمی منڈی میں تیل کی قیمتوں میں اضافہ ہو رہا ہے اور دوسری جانب ڈالر کے مقابلہ روپے کی قیمت مستقل گر رہی ہے جس کی وجہ سے ابھی قیمتیں اور بڑھیں گی۔ روپے کی قیمت جس تیزی کے ساتھ نیچے گر رہی ہے اس سے ہندوستانی صنعت کو زبردست نقصان ہو رہا ہے۔

ایک نظر اس پر بھی

اعظم خان کے سامنے بی جے پی کا کوئی بھی ہتھکنڈہ کارگر نہیں ہوگا: مایاوتی

اترپردیش کے رامپور پارلیمانی سیٹ سے سماجوادی کے قدآور لیڈر و پارٹی امیدوار اعظم خان کی حمایت میں ووٹروں سے ووٹ کرنے کی اپیل کرتی ہوئیں بی ایس پی سپریمو مایاوتی نے کہا کہ مرکز میں برسراقتدار پارٹی لاکھ ہتھکنڈے اپنائے لیکن رامپور سے اتحاد کے امیدوار اعظم خان کی جیت یقینی ہے۔

مودی چنندہ صنعت کاروں کے چوکیدار، عوام دوسرا موقع نہیں دے گی: راہل گاندھی

کانگریس صدر راہل گاندھی نے آج کہاکہ ملک کی چوکیداری کرنے کا دعویٰ کرنے والے وزیراعظم نریندر مودی حقیقت میں انیل امبانی سمیت کچھ چنندہ صنعت کاروں کے چوکیدار ہیں اس لئے عوام نے انہیں ڈیوٹی سے ہٹانے کا من بنا لیا ہے۔

فلم کے بعد پی ایم مودی پربنی ویب سیریز کے نشریات پربھی الیکشن کمیشن نے لگائی روک

وزیر اعظم نریندر مودی کے ساتھ منسلک ایک ویب سیریز کو الیکشن کمیشن کی جانب سے جھٹکا لگا ہے۔دراصل الیکشن کمیشن نے اس ویب سیریز کو ریلیز کر رہے پلیٹ فارمس ارس ناؤ کو نوٹس جاری کر اسے فوری اثر سے ہٹانے کا حکم دیا ہے۔

لوک سبھا انتخابات: اُترکنڑا ڈپٹی کمشنر نے کمٹہ اوربھٹکل میں پارلیمانی انتخابات کی تیاریوں کا لیا جائزہ

ڈپٹی کمشنر ڈاکٹر ہریش کمار نے ضلع شمالی کینرا کے حلقے میں واقع کمٹہ اور بھٹکل شہروں میں پارلیمانی الیکشن کے لئے انتظامیہ کی طرف سے کی گئی حتمی تیاریوں کا معائنہ کیا۔

دو مراحل میں ایس پی۔بی ایس پی اور کانگریس ’ صفر‘: یوگی

اتر پردیش کے وزیر یوگی آدتیہ ناتھ نے جمعہ کو کہا کہ لوک سبھا انتخابات کے لئے ووٹنگ کے اختتام پذیر ہو چکے دو مراحل میں ایس پی، بی ایس پی اور کانگریس ’ صفر‘ رہی ہیں۔ یوگی نے سنبھل میں ایک جلسہ عام میں کہا کہ ووٹنگ کے دو مرحلے ہو چکے ہیں۔ بی جے پی کو سب سے زیادہ ووٹ ملے ہیں۔ انہوں نے ...

لوک سبھا انتخابات: کیا اُترکنڑا میں انکم ٹیکس کے مزید چھاپے پڑنے والے ہیں؟

پارلیمانی الیکشن کے پس منظر میں محکمہ انکم ٹیکس اور انتخابی نگراں اسکواڈ کی طرف سے مختلف ٹھکانوں پر جو چھاپے مارے جارہے ہیں، اس تعلق سے خبر ملی ہے کہ ضلع شمالی کینرا میں مزیدکئی سیاسی لیڈروں اورتاجروں کے ٹھکانوں پر چھاپے پڑنے والے ہیں۔