پٹرول ڈیزل کی قیمتوں میں کمی رہے گی جاری؟ لہٰذا ملے گی راحت

Source: S.O. News Service | By Shahid Mukhtesar | Published on 8th November 2018, 10:15 PM | ملکی خبریں |

نئی دہلی 8نومبر (ایس او نیوز؍آئی این ایس انڈیا) پٹرول اور ڈیزل کی قیمتوں میں راحت کا سلسلہ جاری ہے۔ بین الاقوامی سطح پر خام تیل کی قیمتوں میں نرمی کا فائدہ گھریلو سطح پر ایندھن کی قیمت میں کمی کے طور پر مل رہا ہے۔ ماہرین کا کہنا ہے کہ آنے والے دنوں میں بھی پیٹرول اور ڈیزل کی قیمتوں میں اضافہ کا خدشہ نہیں ہے۔اس کی تین اہم وجوہات ہیں ۔امریکہ نے ایران پر پابندی لگا دی ہے۔ اس کے بعد ایران سے تیل خریدنا بہت سے ممالک کے لیے مشکل ہو گیا ہے۔ اگرچہ امریکی نے ہندوستان، چین اور جاپان سمیت 8 ممالک کو فی الحال اس سے مستثنیٰ رکھاہے۔اس سے ایران سے بھارت کو تیل درآمد کرنے میں آسانی ہوگی، خام تیل کی فراہمی بنی رہے گی۔ سعودی عرب پہلے ہی کہہ چکا ہے کہ خام تیل کی کافی ذخیرہ ہے۔ اس کی وجہ سے اس کی فراہمی پر کوئی اثر نہیں پڑے گا۔ سعودی عرب کی جانب سے مسلسل فراہمی ہونے کا ہی اثر ہے کہ خام تیل کی قیمتیں گر رہی ہیں۔ خام تیل کی قیمتیں کم ہونے اورڈالرکی مانگ کم ہونے کا فائدہ روپیہ کوملے گا۔ اس کی وجہ سے روپیہ ڈالر کے مقابلے مضبوط ہوگا، اس سے تیل کمپنیوں کی قیمت کم ہو گی۔

ایک نظر اس پر بھی