نئی دہلی،25ستمبر (ایس او نیوز؍ یواین آئی) ڈالر کے مقابلے میں روپے کی قدر میں گراوٹ ہونے اور بین الاقوامی مارکیٹ میں خام تیل کی قیمتوں میں اضافے کا اثر پٹرول اور ڈیزل کی قیمتوں پر مسلسل برقرار ہے ۔ملک کی اقتصادی راجدھانی ممبئی میں پٹرول کی قیمت پیر کے روز 90روپے فی لیٹر تک پہنچ گئی۔ملک کی سب سے بڑی تیل مارکیٹنگ کمپنی انڈین آئل کارپوریشن(او این جی سی) کے مطابق دہلی میں تیل کی قیمت میں11 پیسے اضافہ کیا گیا جبکہ ڈیزل پانچ پیسے مہنگا ہوا ہے ۔ قیمتوں میں اضافے کے بعد راجدھانی میں ایک لیٹر 82.72 روپئے اور ڈیزل 74.02روپئے پر پہنچ گیا۔تجارتی راجدھانی میں قیمت زیادہ ہونے سے ایندھن کی قیمت چار بڑے شہروں میں سب سے زیادہ ہوگئی ہے ۔ یہاں ایک لیٹر پیٹرول کیلئے صارفین کو 90.08روپئے دینا پڑرہا ہے ۔ ممبئی میں ڈیزل 78.58روپئے فی لیٹر ہے ۔ کولکتہ میں پٹرول اور ڈیزل کی قیمت بالترتیب 84.63روپے ، 75.95روپے فی لیٹر ہے ۔ چنئی میں یہ 86.08 اور 78.35روپے فی لیٹر فروخت ہو رہا ہے ۔ملک میں گزشتہ سال16 جون سے پٹرول اور ڈیزل کی قیمت عالمی مارکیٹ کے مطابق روزانہ بنیاد پر طے کی جاتی ہے ۔